ՊԵԿ նախագահ Դավիթ Անանյանի գործունեության մասին նոր ու շատ հետաքրքիր մանրամասներ են ի հայտ գալիս

Օրեր առաջ մամուլը գրել էր, որ «Նաիրիտ» գործարանի կործանման գործում բավականին ակտիվ դերակատարում են ունեցել Դավիթ Անանյանի ստեղծած աուդիտորական կազմակերպության ստուգումները, որից հետո հետաքրքիր զուգադիպությամբ Անանյանն ու իր գործընկերը հապշտապ փակել են իրենց աուդիտորական կազմակերպությունն ու նորն են հիմնել: Եվ այսպես ամեն անգամ, երբ նրանց հերթական աուդիտորական ընկերությունը ստուգումներ է արել խոշոր ընկերություններում ու իրենց սև գործն է արել, դրանից հետո Անանյանն ու իր գործընկերը փակել են իրենց աուդիտորական ընկերությունն ու նորն են հիմնել և այսպես շարունակ:

Եթե մենք հիմք են ընդունում իշխանությունների այն հայտարարությունը, որ օրենքի առաջ բոլորն են հավասար, ուրեմն՝ իշխանությունները առաջին հերթին պետք է գնան հենց այս պատմության հետքերով՝ պարզելու, թե ինչ դերակատարում է ունեցել Անանյանի ղեկավարած աուդիտորական կազմակերպությունը «Նաիրիտ» գործարանի կարծանման մեջ: Կարծում ենք, որ անգամ հպանցիկ ուսումնասիրությունների արդյունքում իշխանությունները բավականին մեծ բացահայտումներ են անելու՝ կապված Դավիթ Անանյանի գործունեության հետ:

Ինչպես նաև լուրեր են շրջանառվում, որ նա ՊԵԿ բարձրաստիճան պաշտոններից մեկում նշանակել է իր ընկերոջը, ով անգամ պետական պաշտոնի համար հանձնվող քննության ժամանակ 100-ից անհրաժեշտ 80 միավորից միայն 60-նն է հավաքել: Իշխանություններին հորդորում ենք նաև պարզել, թե ի՞նչ սկզբունքով են ՊԵԿ-ում աշխատանքի ընդունվում, հաշվի առնվո՞ւմ է նանց պրոֆեսիոնալիզմը, թե՞ Դավիթ Անանյանի հետ ունեցած ծանոթ-բարեկամ-խնամի կապը:

Իսկ այսօր արդեն մենք տեղեկատվություն ենք ստացել այն մասին, որ որպես ՊԵԿ նախագահ իր գործառույթներն իրականացնելիս Անանյանը շատ հաճախ առաջնորդվում է տարատեսակ ստահոդ տեղեկություններ և իր ղեկավարած ոլորտում իմիտացիոն ձեռքբերումներ ունենալու մասին միֆեր տարածելու սկզբունքով:

Սակայն ամեն ինչի մասին հերթով:

Մեր աղբյուրները պնդում են, որ Դավիթ Անանյանը շատ հաճախ երկրի բարձրագույն ղեկավարությանը, մասնավորապես՝ վարչապետ Նիկոլ Փաշինյանին տեղեկություններ է տալիս այս կամ այն տնտեսվարող սուբյեկտներում իբր թե առկա խախտումների ու չարաշահումների մասին՝ այդպիսով թյուրիմացության մեջ գցելով իշխանություններին, որից հետո, սակայն, չի կարողանում ապացուցել իր ասածների ճշմարտացիությունն ու արդյունքում անհարմար վիճակի մեջ է դնում երկրի ղեկավարությանը: Ոլորտում մեր աղբյուրները վկայում են, որ Անանյանն, իր անձնական ամբիցիաներով առաջնորդվելով, շատ հաճախ փորձում է այս կամ այն տնտեսվարողի դեմ տրամադրել վարչապետին, սակայն կարճ ժամանակ անց ճշմարտությունը պարզվում է, և ինքն է հերթական անգամ վատ վիճակում հայտնվում, քանի որ ինչպես ժողովրդական բանահյուսությունն է վկայում, նմանատիպ գործելաոճի բացահայտման համար առավելագույնը 40 օր է անհրաժեշտ: Անանյանին երևի թվում է, թե իշխանություններին ցանկալին իրականության տեղ հրամցնելու նախկին իշխանությունների գործելաոճը հիմա էլ է մոդայիկ, սակայն ՊԵԿ նախագահը կարծես թե մոռացել է, որ երկրում իրավիճակ է փոխվել, որ իշխանություններին ամեն կերպ հաճոյանալու գործելաոճն այլևս չի խրախուսվում: Սակայն սա էլ դեռ ամենը չէ: Մեր աղբյուրները փոխանցում են, որ վարչապետին ոլորտի վերաբերյալ սուտ տեղեկություններ տրամադրելը միայն այդքանով չի սահմանափակվում: Ասում են՝ բյուջեի գումարների հավաքագրման մասին ՊԵԿ նախագահի ներկայացրած տվյալները ևս, մեղմ ասած, իրականությանը չեն համապատասխանում:

Պարզվում է՝ Անանյանը հետաքրքիր մի «տրյուկ» է կազմակերպել, համաձայն որի՝ տարեվերջին իրենց յուրային բիզնեսներ ունեցողների վրա խոշոր ակտեր են գրվել, որոնք մուտք են արվել գանձապետարան որպես հավաքագրված գումար, սակայն հունվարի 15-ից հետո, երբ արդեն նախորդ տարվա ֆինանսական հաշվետվությունները փակված են եղել, այդ ակտերը բողոքարկվել են և, բնականաբար, համապատասխան մուտքեր չեն արվել: Օրիգինալ է, ինչ խոսք:

Սակայն նման իմիտացիոն դրսևորումներով ցույց տալ, թե գումարների հավաքագրումը աննկարագրելի մեծ ծավալներ ունի, բայց իրականում ունենալ ճիշտ հակառակ պատկերը, վկայում է միայն մեկ բանի մասին՝ արհեստական այս փուչիկը շատ շուտով պայթելու է: Որովհետև հորինված թվերով դժվար թե հնարավոր լինի առաջիկայում արդյունքներ ունենալ, ուր մնաց թե՝ թռիչքաձև տնտեսական աճ արձանագրել:

Ինչևէ, կարծում ենք, որ առավել քան անհրաժեշտ է, որպեսզի համապատասխան մարմիններն իրենց ուշադրությունը սևեռեն այս գործելաոճի վրա, որովհետև, ինչպես ասում են, «առանց կրակ ծուխ չի լինում»: Պետք է սկսել հենց «Նաիրիտի» կործանման պատճառների ուսումնասիրությունից, հետո էլ արդեն սահուն անցում կատարել բյուջեի հավաքագրման մասով թվերի նկարչության մեխանիզմների բացահայտմանը: Ինչպես ասում են, ոլորտ ղեկավարելը «թթու թան չի» ու, առավել ևս, ամեն մարդու խելքի բան չի:

ՈՒՂԻՂ. Ընթանում է Մանվել Գրիգորյանի և Նազիկ Ամիրյանի գործով նիստը «Գ. Ծառուկյան» հիմնադրամի աջակցությամբ հարյուրավոր զինծառայողների ծնողներ մեկնել են Արցախ Աստղաբան Էլյա Հովհաննիսյանի կանխատեսումները. նա մանրամասն ներկայացնում է, որ նշանին ինչ է սպասվում … պատրաստվեք անսպասելիին Սոցիալական արդարության հարց կլուծվի, եթե մենք հարկենք հարստությունը․ Գևորգ Պապոյան (տեսանյութ) Դաժան վթար Արագածոտնում. հոր մահվան տարելիցի օրը ավտովթարի հետեւանքով մահացել է 29-ամյա որդին ԱԺ արտահերթ նստաշրջանը շարունակվում է. օրակարգում են Հարկային օրենսգրքի փոփոխությունները (ուղիղ) Փաշինյանը Մասիսում մասնակցում է Ֆրանկոֆոնիայի զբոսայգու եւ Ընտանեկան մարզահամալիրի բացմանը (ուղիղ) Ո՞րն է Սամվել Կարապետյանի «սրացման» պատճառը. «Փաստ» Այս հաղթանակը դեռ սկիզբն է. Կարո Փայլանը Ստամբուլի ընտրության արդյունքների մասին Շիրակի մարզում ձվի չափ կարկուտ է տեղացել․ վնասներ են կրել ավելի քան 10 գյուղ Կոնֆլիկտի հանգուցալուծման բանալին Արցախի ժողովրդի իրավունքների ճանաչումն է. Մնացականյանի ելույթը՝ ՄԱԿ-ում Արմավիրի ոստիկանները հայտնաբերել են թմրանյութի «պլանտացիա» Մատենադարանի հարեւանությամբ 3 հաստաբուն բարդի են կտրել Կաքավ որսացող տղամարդը բերման է ենթարկվել Գլխավոր դատախազությունից նյութեր են ուղարկվել ոստիկանության 6-րդ վարչություն Կարեն Փոլադյանի վերաբերյալ
Ամենաընթերցված
«Թուրքիայում գիտակցում են պետության և պետականությա... Պաշտոնական այցելությամբ որևէ տեղ գնացողը թող գլուխ... Շիրակի մարզի դատախազի այցի արդյունքում «Արթիկ» ՔԿՀ... Ադրբեջանի 5 կմ 100մ երկարությամբ դրոշը անց է կացվե... «Հայաստան-ԵՄ՝ անշուք հրաժեշտ». Արմեն Աշոտյան Հարուստներին «մորթելով»՝ սոցիալապես առավել վատ ապր... Եթե դուք սա համարում եք հեղափոխություն, տղերք ջա՛ն... Սահմանադրական դատարանը անհրաժեշտ է գտնում լրացուցի... Աբովյանը չպետք է լինի գործ տվողների քաղաք. Էդուարդ... «Էս ինչ շտուրմովիկ համբալներ են». պատգամավորը՝ ակց... Պահանջում ենք պարզել «ահազանգ» տվողի ինքնությունը ... Որքան հասկանում եմ, միայն ես ու Շմայսը չենք մեկնաբ... ԲԴԽ անդամ Գևորգ Դանիելյանը հրաժարական է տվել Գագիկ Ծառուկյանի շնորհավորական ուղերձը երեխաների պ... Այսօրվա հավաքը կասկածելի է. ինչպես է մեկնաբանում Վ... Նիկոլն այլևս քաղաքական դիակ է. Մենուա Հարությունյա... ՀՀ դեսպանատունը միակն էր, որ հիվանդանոցի տնօրենի հ... Փարթին շարունակվում է․ Նիկոլ Փաշինյան Ձեզ բնորոշ հարմարվողականությամբ զեկուցում էիք երկր... Քարով չխփեք, բայց իրոք չեմ հասկանում խի՞ եք քննադա...
website by Sargssyan