Գագիկ Ծառուկյանը քաղաքական կյանքում լուրջ ասելիք ունի
BlogՎարդուհի Մազմանյանը ֆեյսբուքյան իր էջում գրում է.
Կարծիքները այն մասին, որ սեփականատերերը, խոշոր ձեռնարկատերերը քաղաքականությունից հեռու պետք է լինեն լոկ բառեր են թաքցնելու համար իրականությունը: Եթե ուսումնասիրենք ցանկացած երկրի օրինակ, կարելի է հեռու չգնալ և վերցնել Վրաստանի օրինակը, կհամոզվենք որ փաստացի այդ երկիրը կառավարում է խոշոր գործարար միլիարդատեր ` Բիձինա Իվանաշվիլին, և նա վայելում է թե արևմուտքի, թե այլ ուժերի աջակցությունը, և պատկերացրեք որ դրանից Վրաստանը հետընթաց չի ապրում ժողովրդավարության տեսանկյունից, իսկ ԱՄՆ ուղիղ, ամիջականորեն կառավարում է միլիարդատեր Դոնալդ Թրամպը և պատկերացրեք ԱՄՆ – սկսել է զարգանալ նոր թափով: Նախընտրական քարոզարշավին զուգահեռ գրվում են հոդվածներ այն մասին, թե իբր Գագիկ Ծառուկյանի քաղաքական գործունեությունը նոր պայմաններում ընդունելի չէ և գործարարը տեղ պետք է չունենա ԱԺ-ում: Խոշոր սեփականատերերը անձնապես կամ ներկայացուցիչների միջոցով ներկայցված են ցանկացած երկրի խորհրդարանում, ինչը բնական երևույթ է, և դա կապ չունի իշխանությունը սեփական շահերին ծառայեցնելու հետ: Գագիկ Ծառուկյանի քաղաքական գործունեության արդյունքում է նաև, որ հասարակության մեջ խորացան և կրիտիկական կետի հասան հեղափոխական տրամադրությունները: Գագիկ Ծառուկյանի ցանկացած ելույթի մեջ նկատվում է նոր շունչ կապված բոլոր ոլորտների զարգացման հետ, և նրա ունեցած փորձը պարտադիր կերպով պետք է օգտագործվի երկրի զարգացման համար: Գիտելիքի հիմքը կյանքի փորձն է, և կարծում եմ բոլորին ակնհայտ է որ Գագիկ Ծառուկյանը գիտի հաջողության հասնելու բանաձևը և պետական նշանակության ցանկացած որշում ընդունելիս պետք է հաշվի առնվի նրա կարծիքը և ԱԺ-ում նրա ղեկավարած քաղաքական ուժի գտնվելը պարզապես անհրաժեշտություն է:Հարկ է նշել որ օրենսդրությունը հստակ կարգավորումներով երաշխավորում է քաղաքականության և բիզնեսի տարանջատումը, , և պետք չէ պատվիրված հոդվածների, ապատեղեկատվության միջոցով արհեստական խնդիրներ ստեղծել :