Որոտանի մոտ տեղակայված ադրբեջանական ոստիկանական կետի մոտ իրանական բեռնատարների հերթ է
Ուշադրության կենտրոնումArmDaily.am-ի հետ զրույցում Որոտանի բնակիչներից մեկը տեղեկացրեց, որ այս պահին էլ ճանապարհի երկու կողմերում իրանական բեռնատարների հերթեր են:
«Ադրբեջանցիները կանգնեցնում են, իրանցի վարորդներից փող են վերցնում: Ոչ մի իրանական բեռնատար չի անցնում ճանապարհով՝ առանց փող վճարելու: Պարսիկներին շատ են նեղում ադրբեջանցիները: Բեռնատարները, որ կանգնել են, մի քիչ լայն մեքենաների համար բարդ է մեջտեղով անցնելը: Մեծ մեքենաները խցանվում են երկու բեռնատարների արանքում»,-ասաց Որոտանի բնակիչը:
Վերջինս տեղեկացրեց, որ իրեն դեռևս ադրբեջանցիները չեն կանգնեցրել, ոչ էլ ականատես է եղել, որ ադրբեջանցիները որևէ հայ վարորդի կանգնեցնեն կամ տուգանեն: