Ուսուցիչը համակարգիչն է․ Երևանում սկսել է գործել նորարարական անվճար դպրոց
Ուշադրության կենտրոնումNevnov.ru-ն գրում է, որ Երևանում բացվել է դպրոց առանց ուսուցիչների: «42 Երևան» դպրոցի անվանումը հղում է գիտաֆանտաստիկ գրող Դուգլաս Ադամսի գրքին: Այնտեղ «42» թիվը կյանքի և Տիեզերքի հիմնական հարցի պատասխանն է: Դպրոցում կարելի է հայտնվել միայն հասունության տարիքին հասնելուց հետո: Այդ ուսումնական հաստատությունում, ըստ ցանկության, սովորում են ծրագրավորում, արհեստական ինտելեկտ, կիբերանվտանգություն:
Ուսումնական հաստատության հիմնական սկզբունքը փոխօգնությունն է: Այնտեղ կարող են սովորել շաբաթվա ցանկացած օր և շուրջօրյա` ըստ ուսանողների հայեցողության: Ներկայումս այդ դպրոցը արդեն 160 աշակերտ ունի: Այնտեղ համակարգիչներն են կատարում ուսուցիչի դերը. նրանք առաջադրանքներ են տալիս ուսանողներին: Հարցերի պատասխանները (որոնց համար պատրաստի լուծումներ չկան) ուսանողները պետք է փնտրեն անհատապես կամ էլ օգնություն խնդրեն միմյանցից: Ուստի ուսանողներին սովորեցնում են փորձել իրենց տարբեր ուղղություններով և կողմնորոշվել նեղ մասնագիտացման հարցերով: Դպրոցում ուսուցման վերջնական փուլը արտադրական պրակտիկան է Հայաստանի առաջատար տեխնոլոգիական ընկերություններում:
Արմեն Սիմոնյան
Pressmedia.am