ԱԱԾ պետի «ջուրծեծոցին»
Քաղաքականություն
Այսօր Եռաբլուրում ԱԱԾ տնօրեն Արգիշտի Քյարամյանը` խոսելով «Հայրենիք» կուսակցության ղեկավար Արթուր Վանեցյանի հայտարարության մասին, թե Քյարամյանի նշանակումն ազգային անվտանգության սպառնալիք է, ասել է, որ Վանեցյանն առաջին հերթին պետք է մտածի այն հարցի շուրջ, որ իր՝ ԱԱԾ տնօրեն եղած ժամանակահատվածում ԱԱԾ, ՀՔԾ և վարչապետի հեռախոսազրույցները ձայնագրել և գաղտնալսել են:
Իրականում, թե որքանով Վանեցյանը կապ ունի այդ ձայնագրությունների հետ, Քյարամյանը հստակ չի նշել՝ հայտնելով միայն, որ քննություն է տարվում Քննչական կոմիտեի համապատասխան բաժնում, կան նախաքննական գաղտնիքներ, որոնք ինքը հրապարակել չի կարող: Նա նաև չի բացառել, որ հնարավոր է՝ որևէ ժամանակահատվածում իր հեռախոսազրույցները ևս գաղտնալսվեն:
Այստեղ միանգամից պարադոքս է առաջանում և ԱԱԾ պետը փաստացի հակասում է ինքն իրեն՝ հայտարարելով, որ Վանեցյանի օրոք գաղտնալսում է եղել և դա նրան պետք է մտահոգի ու հետևություններ անի, միաժամանակ չի բացառում, որ հնարավոր է իրեն ևս գաղտնալսեն, քանի որ կան գերժամանակակից տեխնիկական միջոցներ։
Սա հերթական էժան պոպուլիզմի դրսևորումն է իշխանության ներկայացուցիչների կողմից, որոնք խոսում են ուղղակի խոսելու համար՝ չհետևելով ոչ իրենց խոսքի հետագծին, ոչ այն հետևանքներին, որը նրա նրանք կթողնեն։ Ըստ էության՝ Քյարամյանը չի գնահատում իր խոսքի կշիռն ու նշանակությունը, քանի որ այն պետք է լինի բովանդակային և խորքային, ոչ թե զուտ բուլվառային մակարդակի բամբասանք հիշեցնի։ Այնպիսի տպավորություն է, որ գործ ունենք մանկական բակային ձնագնդի խաղի հետ, երբ դիմացինը հարվածում է, դու ևս պետք է անպայման փոխադարձ պատասխանը տաս։
Կարեն Աթանեսյան
1
2
3
4
5
1
2
4
5
1
2
3
5
