«Զապորոժեցի» վերածնու՞նդ, թե՞ էվթանազիա
ՀասարակությունՎերջերս լուրեր են տարածվել Զապորոժեցի ավտոմոբիլաշինական գործարանի (ЗАЗ) վերածննդի մասին: Դեռ 2018 թվականի փետրվարին գրել են, որ գործարանը սննկացման շեմին է, արտադրում է տեխնիկայի եզակի միավորներ, գրեթե ինչպես «Ferrari»-ն կամ «Bugatti»-ն: Այս մասին իր «Корреспондент (Украина): возрождение «запорожца» или эвтаназия?» հոդվածում գրել է Օլեգ Կովալչուկը:
Հայտարարել են «զապորոժեցի» նոր մոդելի մասին: Հեղինակը գրել է, որ ինքն արդեն մոռացել է՝ որքան և ինչ են փորձել թողարկել Կոմմունարում, ինչպես են «գցել» կորեացիներին և չինացիներին: Վերջին հիշողությունները վերաբերում են 2008-2010 թթ. ճգնաժամային շրջանին: Կովալչուկը նշել է, որ այն ժամանակ ինքն անզգուշությամբ համեմատել է Կիրովոգրադի անիվի ձգման չինական «Geely»-ն և Կոմմունարի «Lanos»-ը: Բնական է, որ չինականը՝ «Geely»-ն, ավելի լավն էր: 52 հազար գրիվեն արժողությամբ լյուքսային «Geely»-ն 72 հազար գրիվեն արժողությամբ «Lanos»-ից շատ ավելի գրավիչ էր:
Լրագրողը զարմանում է՝ համաշխարհային տնտեսության ճգնաժամի պայմաններում ո՞վ է անհրաժեշտ համարել ժամանակ տրամադրել սպանված արտադրությանը նոր շունչ հաղորդելուն: Ո՞վ ունի այնքան փող, որ դրանք քամուն է տալիս:
Նշված նախաձեռնության էությունը հասկանալու համար բավական է ուսումնասիրել առաջատար երկրներում ավտոարդյունաբերության արտադրության և իրացման անկման վիճակագրությունը: Եզրակացությունը մեկն է՝ սա սովորական էվթանազիա է:
«Փաստարկները պարզ են: Դեռևս 2017 թվականից սկսած՝ գործարանում ավտոմեքենաների թողարկումը դադարել է: Սարքավորումները պահպանվել են, բայց դրանք 3 տարի «կանգնած» են եղել, բացակայել են արդիականացումը, վերանորոգումները, սպասարկումը: Մանրուքներն, ինչպիսիք են՝ անսարքություններն ու վթարները, մի կողմ եմ թողնում», - գրել է Կովալչուկը:
Բավական է այն, որ գործարանի կոնվեյերներից որակյալ մեքենա թողարկելուն ունակ մասնագետներ պարզապես չկան: Միգուցե ԶԼՄ-ները չե՞ն տիրապետում հարցի տեխնիկական կողմի մասին տեղեկատվությանը: Ես հնարավոր եմ համարում նաև այս տարբերակը՝ անիվների ձգում և ավտոմեքենայում «մեռած» մարտկոցների տեղադրում:
Լրագրողը նշում է, որ ծագում է ավտոմեքենայի արժեքի և բնակչության գնողունակության վերաբերյալ հավերժական հարցը: Հնարավոր է, որ արդեն դա ևս լուծվում է: Հնարավո՞ր է, որ արդեն օրինագիծ կա, որը կփակի ներմուծվող և օգտագործված մեքենաների բոլոր մաքսատները, ինչն ավտոմատ կերպով սպառողին կստիպի վարկեր վերցնել և «հայրենական», այն է՝ տեղական, ավտոմեքենաներ վարել:
«Հարցերը շատ են, բայց եզրահանգումը, չգիտես ինչու՝ կանխատեսելի: Ես բացարձակապես համոզված եմ՝ տվյալ գաղափարն ու նախաձեռնությունը ձախողվելու են… Հնարավոր է, որ «փտած» շեմերովերկամյա «Renault»-ի վաճառք տեսնենք OLX-ում» , - եզրափակել է Կովալչուկը:
Նառա Կարապետյան