Արփինե Հովհաննիսյանի պատասխանը ծիծաղելի էր վարչապետի համար
Հասարակություն
Կառավարության այսօրվա նիստին որոշում կայացվեց փոփոխության ենթարկել «Կոռուպցիայի դեմ պայքարի խորհուրդ և փորձագիտական հանձնախումբ ստեղծելու խորհրդի կազմը»: Հարցը զեկուցող Արդարադատության նախարար Արփինե Հովհաննիսյանը հայտնեց, որ խորհրդի կազմում կավելացվեն քաղաքացիական հասարակության ներկայացուցիչների թիվը` 2-ից դարձնելով 4-ի:
Հովհաննիսյանը տեղեկացրեց, որ խորհրդի կազմում կներառվեն այնպիսի հասարակական կազմակերպություններ, որոնք բիզնես ոլորտում են գործունեություն ծավալում: «Առաջարկում ենք համաձայնության կարգով խորհրդի կազմում ընդգրկել Մարդու իրավունքների պաշտպանին, փոխվարչապետին, Տնտեսական զարգացման և ներրդումների նախարարին, ինչպես նաև նախագահի վերահսկողական ծառայությանը»,- ասաց Հովհաննսիյանը:
Վարչապետ Կարեն Կարապետյանը նախարարից հետաքրքրվեց` խորհուրդը կառավելի՞ է դառնում: Նախարարը պատասխանը, թե հարաբերականորեն, այո, առաջացրեց վարչապետի ծիծաղը: «Կառավարելի բառը, երևի, ճիշտ չընկալվեց, աշխատո՞ղ մարմին է դառնում: Թե չէ այնպիսի մեկնաբանություններ կարող ենք լսել, որ...»,- ասաց վարչապետը: Նախարար Հովհաննիսյանն արձագանքեց, որ խորհուրդը միանշանակ աշխատող է լինելու:
1
2
3
4
5
1
2
3
4
5
2
3
4
5
