Քարաթափում Հերմոն-Գողթանիկ ճանապարհին . վնասվել է էլեկտրասյունը. երկու գյուղ հոսանքազրկվել է
Հասարակություն
Հայաստանի ԱԻՆ-ում, դեկտեմբերի 28-ին, ժամը 18.43-ին տեղեկություն է ստացվել, որ Հերմոն-Գողթանիկ միջհամայնքային ավտոճանապարհին տեղի է ունեցել քարաթափում, վնասվել է մոտակայքի էլեկտրասյուներից մեկը, ավտոճանապարհը դարձել է միակողմանի երթեւեկելի եւ հոսանքազրկվել են Հերմոն եւ Գողթանիկ գյուղերը. անհրաժեշտ է փրկարարների օգնությունը:
Դեպքի վայր է մեկնել մարզային ճգնաժամային կառավարման կենտրոնի օպերատիվ խումբը:
Պարզվել է, որ Հերմոն-Գողթանիկ միջհամայնքային ավտոճանապարհի 2-րդ կմ-ին տեղի է ունեցել քարաթափում (մոտ 30մ երկարությամբ եւ 6մ լայնությամբ ճանապարհի երթեւեկելի մասում թափվել են տարբեր մեծության 15 ժայռաբեկոր), ավտոճանապարհը դարձել է միակողմանի երթեւեկելի, վնասվել է հարակից էլեկտրասյուներից (6000 ԿՎտ) մեկը, ինչի հետեւանքով հոսանքազրկվել են Հերմոն եւ Գողթանիկ գյուղերը:
Մարզային ՃԿԿ-ի օպերատիվ խումբը սահմանազատել է տարածքը, իսկ էլ. ցանցի վթարավերականգնողական խումբը վերականգնել է Գողթանիկ համայնքի էլեկտրամատակարարումը: Ճանապարհի մաքրման եւ Հերմոն համայնքի էլեկտրամատակարարման աշխատանքները կիրականացվեն դեկտեմբերի 29-ին:
1
2
3
4
5
1
2
3
4
5
5
