«Զվարթնոցի» հին մասնաշենքի հարցով ընդհանուր հայտարարի դեռ չի եկել ներդրողի հետ. Նարեկ Սարգսյան
Հասարակություն
«Զվարթնոց» օդանավակայանի հին մասնաշենքի վերակառուցման հարցով Քաղաքաշինության նախարարությունը ընդհանուր հայտարարի դեռ չի եկել ներդրողի հետ: Այս մասին, այսօր՝ դեկտեմբերի 23-ին, լրագրողների հետ հանդիպմանը նշեց Քաղաքաշինության պետական կոմիտեի նախագահ Նարեկ Սարգսյանը:
«Օդանավակայանը բաղկացած է 5 հիմնական էլեմենտներից, որոնցից 3-ը բնորոշում են տվյալ շենքի ճարտարապետական արժեքը՝ փոքր կլոր հատվածը, մեծ կլոր հատվածը ու աշտարակը: Մենք ասել ենք, որ ներդրողը կարող է պանդուսը եւ կամրջակները փոխել, սակայն ճարտարապետական արժեք ներկայացնող այդ 3 հատվածները պետք է մնան նույնը: Մինչեւ այժմ մենք ընդհանուր հայտարարի չենք եկել»,- ասաց նա:
Խոսելով՝ տարվա ընթացքում Կոմիտեի ձեռքբերումներից, նա նշեց, որ այն հիմնական ծրագրերը, որոնք դրված են եղել իրենց օրակարգում, հիմնականում իրականացվել են:
«Այս տարի Ֆիրդուս թաղամասի մոտ 20%-ում կառուցապատման աշխատանքներ են տարվում : «Հին Երեւան» ծրագիրը նույնպես սկսել է իրականանալ: Տարածքի 70 տոկոսում վերանորոգման եւ կառուցապատման աշխատանքները շուտով կավարտվեն: 2018թ. նախատեսվում է նաեւ լուծել աղետի գոտում բնակավայրերի կառուցման աշխատանքները, որոնց համար պետությունը հատկացրել է 567մլն դրամ»,-իր խոսքում նշեց Նարեկ Սարգսյանը:
1
2
3
4
5
1
2
3
4
5
2
3
4
5
