Պայծառատեսի հույսը նոր վարչապետն է. 2017-ի կանխատեսում

Ինչպիսի՞ն կլինի 2017 թվականը, և ի՞նչ է սպասում Աքաղաղի տարում ծնվածներին. հարցերի մասին araratnews.am-ի հետ զրույցում խոսեց պայծառատես Անի Գրիգորյանը:

Նրա համոզմամբ՝ 2017 թվականը հաջող ու լավ տարի է լինելու, հատկապես Աքաղաղի տարում ծնվածների համար. «Աքաղաղի տարին հաջողություն է բերելու` թե՛ ֆինանսական և թե՛ անձնական: Այս տարին, ի տարբերություն  Կապիկի տարվա, ավելի բարեհաջող ու նպաստավոր է լինելու: Չամուսնացած աքաղաղների կյանքում, ովքեր 35 տարեկան են, մեծ փոփոխություններ են սպասում»:

Պայծառատեսը կանխատեսումներ արեց նաև նոր կառավարության մասին. «Ես հույսս դրել եմ նոր վարչապետի վրա ու գիտեմ, որ որպես քաղաքական գործիչ` նա մեծ վերելքներ է բերելու Հայաստանին. մոտ 3 տարուց մեր երկիրը ոտքի է կանգնելու: Ժողովրդի ֆինանսական վիճակն է կայունանալու, ու ես հույս ունեմ, որ Աքաղաղի տարուց սկսված Հայաստանից հեռացողների թիվը չի մեծանա»:

Ինչ վերաբերում է սահմանին տիրող իրավիճակին, ըստ Անի Գրիգորյանի կանխատեսումների՝ լարվածություն կլինի, բայց ոչ պատերազմ. «Սահմանային լարվածությունը կպահպանվի, բայց ի տարբերություն 2016 թվականի, գալիք տարում, փառք Աստծո, ոչ մի պատերազմ չի լինի: Ես գիտեմ, որ գալու է ժամանակ, երբ մենք հաղթելու ենք թշնամուն, ու մեր ազգն ավելի շատ բարգավաճելու է, նորից լինելու է ծովից ծով Հայաստան, որովհետև մենք քրիստոնյա ենք, ու մեր թիկունքին Աստված է կանգնած»,-եզրափակեց պայծառատեսը:

- See more at: http://araratnews.am/paytcaratesi-huyseh-nor-varchapetn-e-2017-i-kanxatesum/#sthash.D8ovtRRF.dpuf