Օմբուդսմենը համաձայն չէ «Փոքր Մհեր» կրթահամալիրում սաների նկատմամբ կիրառվող պատժամիջոցների հետ
Հասարակություն
Հայաստանի մարդու իրավունքների պաշտպան Արման Թաթոյանը համաձայն չէ «Փոքր Մհեր» ռազմական կրթահամալիրում սաների նկատմամբ կիրառվող պատժամիջոցների հետ:
Լրագրողների հետ զրույցում օմբուդսմենը նշել է, որ իր աշխատակազմի ներկայացուցիչները մի քանի անգամ եղել են կրթահամալիրում, Կրթության եւ գիտության նախարարությանն են ներկայացրել սեփական մոտեցումները: Օմբուդսմենի աշխատակազմի դիտարկմամբ՝ կրթահամալիրում բազմաթիվ խնդիրներ կան՝ երեխաների հանդեպ վերաբերմունքից մինչեւ հաստատության գործունեության իրավական ակտերը:
Մասնավորապես, օմբուդսմենը տարակուսանք է հայտնել որպես պատիժ սաներին ընտանիքի հետ կիրակնօրյա տեսակցություններից զրկելու որոշման առիթով: Ընտանիքի հետ հանդիպումը դրական է ազդում երեխայի վրա, եւ դրանից զրկելը չպետք է պատիժ լինի: Արման Թաթոյանը նաեւ արձանագրել է, որ կրթահամալիրը փակ տիպի հաստատություն է, ինչը կարող է խախտումների լրացուցիչ ռիսկեր պարունակել:
1
2
3
4
5
1
2
3
4
5
5
