Իրավական խորհրդատու
Հասարակություն
Հարց – Ո՞ր դեպքերում է հնարավոր ծնողին զրկել ծնողական իրավունքներից:
Պատասխան – Ծնողները կամ նրանցից մեկը կարող են զրկվել ծնողական իրավունքներից, եթե նրանք չարամտորեն խուսափում են ծնողական պարտականությունները կատարելուց, ընդ որում՝ ալիմենտ վճարելուց, կամ առանց հարգելի պատճառների հրաժարվում են վերցնել իրենց երեխային ծննդատնից, կամ բժշկական այլ կազմակերպությունից, ինչպես նաև դաստիարակչական, ազգաբնակչության սոցիալական պաշտպանության կամ նմանատիպ այլ կազմակերպություններից, կամ չարաշահում են իրենց ծնողական իրավունքները, ընդ որում՝ իրենց հակաբարոյական վարքագծով վնասակար ազդեցություն են գործում երեխաների վրա, կամ դաժանաբար են վարվում երեխաների հետ, ընդ որում՝ ֆիզիկական կամ հոգեկան բռնություն են գործադրում նրանց նկատմամբ, ոտնձգում են նրանց սեռական անձեռնմխելիությունը, կամ տառապում են քրոնիկ ալկոհոլամոլությամբ, կամ թմրամոլությամբ, թունամոլությամբ, կամ կատարել են իրենց երեխաների դեմ դիտավորյալ հանցագործություն: Այլ հիմքեր ՀՀ օրենսդրությունը չի նախատեսում:
Հարց – Կարո՞ղ է արդյոք նվեր տված անձը վերացնել նվիրատվությունը, եթե նա նվեր ստացողից ավելի երկար ապրի:
Պատասխան – Այո: Նվիրատուն կարող է վերացնել նվիրատվությունը, եթե նվիրառուից ավելի երկար ապրի, սակայն դա, այդ իրավունքը, պետք է նախատեսված լինի նվիրատվության պայմանագրով:
1
2
3
4
5
1
2
3
4
5
2
3
4
5
