Տաքսու վարորդները հանդիպեցին փոխնախարարին
Հասարակություն
«Ավտովարորդների պաշտպանության լիգայի» նախագահ Տիգրան Հովհաննիսյանն ու անհատ տաքսու վարորդները երեկ հանդիպեցին տրանսպորտի, կապի և տեղեկատվական տեխնոլոգիաների փոխնախարար Արթուր Առաքելյանին՝ տաքսու լիցենզավորման կարգը չեղարկելու և վճարվող գումարները Պաշտպանության նախարարությանը հատկացնելու հարցը քննարկելու համար:
Տիգրան Հովհաննիսյանի խոսքով՝ իրենք Վիգեն Սարգսյանի հետ քննարկել են լիցենզավորման կարգը առժամանակ օրենքից դուրս հանելու, հաշվեհամար ստեղծելու և 12 հա զար դրամ վճարելու փոխարեն 5000 դրամ բանակին փոխանցելու շուրջ:
«Քննարկումները դրական են: Դրանց վերջնական որոշումը ուղարկվելու է կառավարություն: Նախարարից միայն խնդրում ենք հավանություն տալ այդ ծրագրին և գումարը ուղղել ազատամարտի վետերաններին»,– նշեց Հովհաննիսյանը:
Սրան ի պատասխան փոխնախարարը պատասխանեց, որ խոսքը վերաբերում է հանրային ֆինանսների կառավարման ոլորտին: «Որևէ կերպ չկասկածեք, որ այն գումարները, որ այս պահին վճարվում են որպես պետական տուրք լիցենզավորման դիմաց, ծառայում են նաև պաշտպանության ոլորտին: Այն առաջարկը, որ դուք անում ենք, նվազագույն ուշադրության է արժանի: Տարբերություն չկա, բյուջեի գումարների հավաքագրման շրջանակներում նպատակային ուղղությունը ֆիքսվո՞ւմ է, թե ոչ»,– իր կարծիքը հայտնեց փոխնախարարը:
ՔՐԻՍՏԻՆԱ ՏԵՐ–ՄԱԹԵՎՈՍՅԱՆ
1
2
3
4
5
1
2
3
4
5
5
