Հիվանդանոցում տեղուդադար չկա, երեխաները պառկած են արդեն միջանցքներում. «Իրատես»
Հասարակություն
«Իրատես» թերթը գրում է. «Չնայած առողջապահության համակարգի աշխատակիցները վստահեցնում են, որ շնչառական վարակներով հիվանդությունների մակարդակը Հայաստանում նորմայի մոտ է, այնուհանդերձ, երևանյան հիվանդանոցներում երեխաները պառկած են արդեն միջանցքներում։ Նախորդ օրվա դրությամբ «Սուրբ Աստվածամայր» բժշկական կենտրոնում ընդհանրապես տեղ չկար, և ասում էին, որ իրենց մոտ այլևս հիվանդներ չպետք է ուղարկեն, սակայն հիվանդ երեխաների հոսքը շարունակվում էր:
Նույն իրավիճակ էր նաև «Արաբկիր» մանկական հիվանդանոցում. հիվանդասենյակները խիստ ծանրաբեռնված են, ավելին, չի բացառվում, որ առաջիկայում բժշկական համալիրի վիրաբուժական բաժիններում պլանային վիրահատություններն առժամանակ դադարեցվեն` սենյակներն ու մահճակալները շնչառական հիվանդությամբ երեխաներին տրամադրելու համար:
Ըստ մասնագետների` H3 տեսակի վիրուսը Հայաստան է թափանցել Եվրոպայից, Վրաստանից, Ռուսաստանից` համաժամանակյա: Չեն բացառում նաև, որ ժամանակ անց այն կարող է մուտացիայի ենթարկվել: Ինչ վերաբերում է դպրոցներն ու մանկապարտեզները համաճարակի պատճառով փակելուն, ոլորտի մասնագետները կարծում են, որ համաճարակն իր «պիկին» դեռ չի հասել»:
Ամբողջությամբ կարող եք կարդալ «Իրատես» թերթի այսօրվա համարում:
1
2
3
4
5
1
2
3
4
5
5
