Մենք վաղվա իշխանության կորիզն ենք. «Սասնա ծռերը» բանտից ու ընդհատակից կոչ են ուղղել

Մենք՝ բանտում եւ ընդհատակում գտնվող քաղբանտարկյալներս եւ քաղհալածյալներս, հայտարարում ենք, որ շարունակում ենք ազատագրական  պայքարը անսասան վճռականությամբ: Այս մասին փաստաբանների միջոցով հայտարարություն-կոչ են տարածել «Սասնա ծռերի» անդամները:

Հայտարարության մեջ ասվում է.

Համախմբման եւ ազատագրական պայքարի հայտարարություն-կոչ բանտից եւ ընդհատակից.

Մեր հավատի եւ ուժի աղբյուրը Հայրենիքի ու ժողովրդի հանդեպ անսահման սերն է, որն էլ մեզ տանում է դեպի հաղթանակ եւ ազատություն:

Մենք գիտակցում ենք, որ ժողովրդի վստահությունը վայելող ու նրա կամքն արտահայտող ներկայիս ազգային դիմադրության ու վաղվա իշխանության կորիզն ենք, ինչը արդեն չեն կարող հաշվի չառնել նաեւ գործող վարչախումբը եւ արտաքին ուժերը: Ուստի մեր պատրաստակամությունն ենք հայտնում «Սասնա Ծռեր» Ճանապարհային քարտեզին համապատասխան առաջնորդելու  համաժողովրդական ընդվզումը եւ կազմակերպելու համազգային ինքնորոշմամբ ՀՀ պաշտոնական եւ Արցախի սահմանադրական միացյալ տարածքի վրա Նոր Հանրապետություն հիմնադրելու գործը:

Մեր ժողովրդին կոչ ենք անում տոգորվել պայքարի կամքով եւ հաղթանակի հավատով, ուշադրություն չդարձնել Սերժ Սարգսյանի դավաճանությունը շարունակելու համար Մոսկվայից նշանակված նորաթուխ վարչապետի կեղծ խոստումներին եւ պատրաստվել ոտքի կանգնելուն:

Մեր արտերկրաբնակ հայրենակիցներին հորդորում ենք դադարեցնել գաղութային վարչակազմի պարագլուխ Սերժ Սարգսյանին որպես պետության ղեկավար ընդունելու ազգակործան ընթացքը, հույսեր չկապել նրա հետ միասին ընտրություններով ժողովրդին խաբող կեղծ ընդդիմության հետ եւ դրա փոխարեն մասնակցային ու նյութատեխնիկական աջակցություն ցուցաբերել ընդվզումը հասունացնելուն եւ կյանքի կոչելուն:

Դիմում ենք նաեւ ազատության մեջ գտնվող պայքարի առաջամարտիկներին, ովքեր պարտավոր են մի կողմ դնել տարաձայնությունները եւ համախմբվել մարդկային երջանկության ու ազգային իղձերի իրականացման ապահովմանը միտված Նոր Հանրապետության հիմնադրման գաղափարի շուրջ: Բանտից դուրս գտնվող եւ բոլորիս համար ընդունելի առանցքային անհատը մեր ավագ ընկեր Ալեք Ենիգոմշյանն է, ուստի համախմբումը օրինաչափորեն պետք է տեղի ունենա նրա համակարգմամբ:

Մենք համոզված ենք, որ շատ շուտով հեռացնելու ենք գաղութային վարչակազմին, ազատագրվելու ենք սպիտակ ցեղասպանության վերածված ռուսական գաղութատիրությունից եւ ստեղծելու ենք քաղաքակիրթ աշխարհին մաս կազմող պետականություն:

1.Ժիրայր Սեֆիլյան

2.Գարեգին Չուգասզյան

3.Մխիթար Ավետիսյան

4.Պավել Մանուկյան

5.Վարուժան Ավետիսյան

6.Արայիկ Խանդոյան

7.Արմեն Լամբարյան

8.Կարո Եղնուկյան

9.Հայկ Կյուրեղյան

10.Սերգեյ Կյուրեղյան

11.Արեգ Կյուրեղյան

12.Աշոտ Պետրոսյան

13. Լիպարիտ Պետրոսյան

14. Հովհաննես Հարությունյան

15. Գեւորգ Իրիցյան

16. Արամ Մանուկյան

17. Արթուր Մելքոնյան

18. Գառնիկ Հովակիմյան

19. Արթուր Սողոմոնյան

20. Թաթուլ Թամրազյան

21. Գագիկ Եղիազարյան

22. Արամ Հակոբյան

23. Մարտիրոս Հակոբյան

24. Տիգրան Մանուկյան

25. Վարդան Գերավետյան

26. Վոլոդյա  Ավետիսյան

27.Գեւորգ Սաֆարյան

28.Թորոս Թորոսյան

29.Սեդրակ Նազարյան

30.Էդվարդ Գրիգորյան

31.Արայիկ Հակոբյան

32.Արթուր Սարգսյան

33.Տիգրան Սարգսյան

34.Արմեն Բիլյան

35.Հովհաննես Վարդանյան

36.Սմբատ Բարսեղյան

37.Նարեկ Սարգսյան

Հայտարարություն-կոչը հրապարակման օրվա դրությամբ հնարավոր չի եղել ստորագրման նպատակով հասցնել բոլոր քաղբանտարկյալներին, ինչի համար հայցում ենք նրանց ներողամտությունը»: