Պետդուման թվարկել է Ղարաբաղում Ռուսաստանի գործողությունների հնարավոր տարբերակները
Ուշադրության կենտրոնումՊետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ, պատգամավոր Կոնստանտին Զատուլինը թվարկել է Ռուսաստանի արձագանքների տարբերակները Լեռնային Ղարաբաղում իրավիճակի զարգացմանը: Լրագրող Դմիտրի Զուբարևի հեղինակած հոդվածը վերցրել ենք vz.ru կայքից:
Զատուլինի համաձայն՝ տարածաշրջանում խաղաղությունը խախտել են հենց Ադրբեջանն ու Թուրքիան: Ռազմական ռևանշի հասնելու համար, խորհրդարանականի կարծիքով, նրանց պետք է հիշեցնել, թե հետխորհրդային տարածքում որ պետությունն է առաջատար երկիրը: Զատուլինը խոստովանել է, որ համոզված չէ, թե ինչպես պետք է վարվի Մոսկվան, սակայն անվանել է ենթադրյալ մի քանի տարբերակ, որոնց թվում Հայաստանում դեսանտային գործողություն իրականացնելն է:
-Հայաստանի ռազմական ուժի ցուցադրական ուժեղացման տեսքով, ՀԱՊԿ-ին ուղղված դիմումի տեսքով՝ դեսանտային գործողությունների ճանապարհով, օդային բլոկադայի ցրման ճանապարհով հայկակա՛ն, ոչ թե ղարաբաղյան, այլ՝ հայկակա՛ն տարածքի պաշտպանության համար միջոցառումներ ձեռնարկելու անհրաժեշտությունից: Հարկ եղած դեպքում մենք պետք է Վրաստանին հստակորեն բացատրենք, որ եթե պետք լինի, ապա նա պետք է հանգիստ ընդունի, որ անհրաժեշտ ուժերն ու միջոցներն իր օդային տարածքով ուղարկվելու են Հայաստան: Այս որոշումը պարտադրված է, որովհետև խոսքը գնում է Կովկասով մեկ զինյալների տարածման մասին, որոնցից կտուժեն և՛ Ռուսաստանը, և՛ Վրաստանը, և՛ մնացած բոլորը: Սպառնալիք է առաջանում հայ բնակչության մեծ զանգվածի համար, որը պատմականորեն հիշում է այդ տարածաշրջանում իրականացված ցեղասպանությունը: Մենք պետք է միջոցներ ձեռնարկենք,- «НСН»-ին տված հարցազրույցի ընթացքում նշել է Զատուլինը:
Բացի այդ, պատգամավորը համաձայնել է Հայաստանի վարչապետ Նիկոլ Փաշինյանի կարծիքին, որ Ադրբեջանի գործողությունների պատճառով հակամարտությունը դեռևս դիվանագիտական լուծում չունի: Խորհրդարանականը նաև ափսոսանք է հայտնել, որ չնայած Ռուսաստանի բոլոր ջանքերին՝ բանակցային գործընթացն առաջ չի շարժվում:
Ռուզան Հովհաննիսյան