Դատարանը թույլ է տվել դատական սխալ. Քոչարյանի գործով մեղադրող դատախազը բողոք է ներկայացրել
ՔաղաքականությունՎերաքննիչ քրեական դատարանում մեղադրող դատախազ Պետրոս Պետրոսյանը ներկայացրեց բողոք` Մարտի 1-ի գործով բոլոր նյութերը ՀՀ երկրորդ նախագահ Ռոբերտ Քոչարյանի պաշտպաններին տրամադրելու որոշման դեմ:
Ինչպես տեղեկացնում է «Արմենպրես»-ը, մեղադրող դատախազը նշեց, որ դատարանը թույլ է տվել դատական սխալ:
«Երևանի ընդհանուր իրավասության դատարանի որոշումը օրինական պատճառաբանված և հիմնավորված չէ: Դատարանը թույլ է տվել դատական սխալ, դատավարական իրավունքի խախտում, որն ազդել է գործի ելքի վրա, ուստի որոշումը ենթակա է ամբողջությամբ բեկանման»,- ասաց Պետրոսյանը:
Ավելի վաղ, Ռոբերտ Քոչարյանի պաշտպան Հովհաննես Խուդոյանը նախաքննության ընթացքում միջնորդություն էր ներկայացրել՝ պահանջելով ներկայացնել Մարտի 1-ի գործով բոլոր նյութերը, այլ ոչ թե՝ առանձնացված մասի նյութերը, ինչը քննիչը մերժել էր: Քննիչի որոշման դեմ փաստաբանը բողոք էր ներկայացրել դատարան, և Երևանի ընդհանուր իրավասության դատարանը՝ դատավոր Արման Հովհաննիսյանի նախագահությամբ, բավարարել էր այն:
Դատախազությունը բողոքարկել է դատարանի նշված որոշումը, որը մակագրվել է Վերաքննիչ քրեական դատարանի դատավոր Արմեն Դանիելյանին:
1
2
3
4
5
1
2
3
4
5
1
4
5
