Վազգեն Մանուկյանի ղեկավարած Հանրային խորհուրդը ստեղծվել է նրան գործով ապահովելու համար․ Ալեն Սիմոնյան (տեսանյութ)
Ուշադրության կենտրոնում«Վազգեն Մանուկյանի ղեկավարած Հանրային խորհուրդը ստեղծվել է Վազգեն Մանուկյանին գործով ապահովելու համար»,- այս մասին այսօր՝ հոտեմբերի 29-ին, լրագրողների հետ զրույցում ասաց ԱԺ փոխնախագահ Ալեն Սիմոնյանը:
«Այդ կառույցն, ի սկզբանե, եղել է անիմաստ և հատուկ նպատակով ստեղծված: Սերժ Սարգսյանը սովորություն ուներ՝ որպեսզի մարդիկ չխոսեին․ նրանց կամ ոչնչացնում էր, կամ ապահովում որևէ գործով: Հենց այս տրամաբանությամբ է ստեղծվել կառույցը, եթե կա մարդ, ով դեմ կլինի ասածիս, թող բերի մի օրինակ, թե ինչ լուրջ գործընթաց է նախաձեռնել Հանրային խորհուրդը»,-ասաց Սիմոնյանը:
Այն հարցին, թե ինչ է սպասվում Վազգեն Մանուկյանին և նրա ղեկավարած կառույցին, Սիմոնյանն ասաց, որ դեռ քննարկում չի եղել, իսկ թե Արման Բաբաջանյանի դիմումին ինչպես կպատասխանի և ինչ քայլեր կձեռնարկի վարչապետը, դեռ չի կարող հանրայնացնել: «Այնուամենայնիվ, հիմա ժամկետի առումով Մանուկյանին պաշտոնանկ անել հնարավոր չէ, պաշտոնավարման մեկ տարին կլրանա ապրիլին: Առաջիկայում պարզ կլինեն շատ բաներ»:
Մանրամասները՝ տեսանյութում։
1
2
3
4
5
1
3
5
1
2
