Փարաքարի համայքնապետի ամենահավանական թեկնածուն՝ ըստ փարաքարցիների

Վերջին օրերին մամուլը ակտիվ քննարկում է Փարաքարում համայքապետի համար ընթացող ընտրապայքարի մանրամասները։ Հիշեցնենք, որ ամայնքապետի պաշտոնի համար պայքարում են ավելի քան 18 տարի համայնքը կառավարող Սամվել Վարդանյանը, նրա տեղակալ Սարդուր Թևոսյանը, ավագանու անդամներ Սամվել Ավետիսյանը և Դավիթ Մինասյանը։

Թեկնածուների անցյալի մասին մամուլում հրապարակվեց աղմկահարույց տարբեր տեղեկություններ և մենք որոշեցինք անձամբ այցելել համայնք, իրավիճակին ծանոթանալու համար։ Փարաքարում և Թաիրովում բազմաթիվ բնակիչների հետ զրուցից հետո պարզ դարձավ որ համայնքի ներկայացուցիչների համար ամենահավանական թեկնածուն ավագանու անդամ Սամվել Ավետիսյանն է։

Հարցին, թե ինչու՞ են բնակիչների մեծ մասը Սամվել Ավետիսյանին համարում ամենահավանական թեկնածու, գյուղացիները պատասխանեցին, որ նա հույս է ներշնչում, քանի որ իր ներկայացրած ծրագիրը կարող համայնքի տարիներ շարունակ կուտակված խնդիրների լուծումը դառնալ ։ Ըստ գյուղացիների, ի տարբերություն այն թեկնածուների ծրագրերի, Սամվել Ավետիսյանի ծրագրում հստակ դրված է խնդիրները լուծելու համակարգային մոտեցումներ։ Ներառված են նաև համայնքը բարեկարգելու ենթակառուցվածքային, բնապահպանական, գյուղատնտեսկան, սանիտարական, գեղագիտական, բիզնես, հանրային կառավարման ինչպես նաև երեխաների և տարեցների առօրյան ավելի հետաքրքիր դարձնող միջոցառումներ։

Ծրագրի դրույթների շուրջ զրուցեցինք նաև համայքնապետի թեկնածու Սամվել Ավետիսյանի հետ: Նա տեղեկացրեց որ իր ծրագրի դրույթները հիմնված են փորձագիտական խորհրդատվական կարծիքների հիման վրա, որոնք մշակվել են նշված ոլորտների մասնագետների կողմից։ Հարցին թե ո՞րն է պատճառը, որ համայքնի մեծամասնության կողմից իր նկատմամբ մեծ վստահություն կա, Սամվել Ավետիսյանը պատասխանեց, որ համայնքի բնակիչների հետ մշտական կապի մեջ գտնվելը և բարձրացված խնդիրները լուծելու պատրաստակամությունը համայնքի բնակիչների մոտ հավատ է արթնացրել ապագայի նկատմամբ։ Սամվել Ավետիսյանը տեղեկացրեց նաև, որ օր-օրի մեծանում է աջակցությունը նաև սփյուռքում ապրող մի քանի տասնյակ փարաքարցիների և թաիրովցիների կողմից։ Ի դեպ, համայնքի բնակիչները մեզ տեղեկացրել էին, որ անգամ ընտրական պայքարից դեռ ամիսներ առաջ էր Սամվել Ավետիսյանին հաջողվել գյուղի խնդիրները քննարկման թեմա է դարձնել մի շարք կառույցներում՝ մարզպետարանից մինչև Ազգային ժողով:

Բացի այդ, համապատասխան պաշտոնյաների և բնակիչների միջև կազմակերպել է մի շարք հանդիպում-քննարկումներ։