Լկտի սուտ է, թե Ռուբիկ Հակոբյանի միջոցով աշխատում են «Լուսավոր Հայաստան»-ի հետ Փաշինյանին տապալելու համար. Մարուքյան
ՔաղաքականությունԱյն, ինչ հրապարակվել է այսօր մամուլում, որը բոլոր կայքերը տարածել են, թե նախկին պատգամավոր Ռուբիկ Հակոբյանի միջոցով աշխատում են «Լուսավոր Հայաստան»-ի հետ, որ մեր միջոցով տապալեն Նիկոլ Փաշինյանին, լկտի սուտ է: Այս մասին Facebook_ի իր էջի ուղիղ եթերում հայտարարեց «Լուսավոր Հայաստան» խմբակցության ղեկավար Էդմոն Մարուքյանը:
«Լուսավոր Հայաստանը» տուժել, տուժում է եւ շարունակելու է տուժել այլանդակ քարոզչության հետեւանքով: Կա սուտ, նորմալ սուտ, ապատեղկատվություն եւ լկտի սուտ: Դա լկտի սուտ է, մեզ համար անցյալի էջն ամբողջությամբ փակված էջ է: Անցյալի էջը փակած լինելով՝ չենք պատկերացնում մեզ նման տիրույթներում, ինչի մասին խոսվում է, ներկայացվում: Թող այդ մարդիկ հանգիստ նստեն իրենց տեղները եւ որեւէ կերպ չփորձեն մեզ վրա ցեխ շպրտել: Մանկապարտեզ սեփականաշնորհողները եւ նախկին ռեժիմի ներկայացուցիչները որեւէ կերպ որեւէ շանս չեն կարող ունենալ»,-ասաց Մարուքյանը:
Մարուքյանը հայտարարեց, որ Հայաստանում ընտրությունների միջոցով ձեւավորվել է լեգիտիմ խորհրադարան եւ կառավարություն. «Տվյալ պարագայում Նիկոլ Փաշինյանը կլինի վարչապետ մինչեւ հաջորդ խորհրդարանական ընտրությունները, մինչեւ 2023 թվականը, հետեւաբար, իզուր վերեւ-ներքեւ մի թռեք, ՀՀ-ն ժողովրդավարական երկիր է եւ ընտրությունների միջոցով են ձեւավորվում իշխանությունները, ընտրությունների միջոցով է որոշվում է, թե ով է վարչապետը, ով է ում տապալում»,-ասաց նա:
1
2
3
4
5
1
2
3
4
5
