Կոտայքի մարզպետարանում քննարկվել են կայանալիք հրամանատարա-շտաբային զորավարժությունները
ՔաղաքականությունՕգոստոսի 15-ին Կոտայքի մարզպետարանում հրավիրված էր մարզի խորհրդի արտահերթ նիստ, որը վարում էր Կոտայքի մարզպետ Ռոմանոս Պետրոսյանը:
Օրակարգում աշնանը Հայաստանի Հանրապետության տարածքում կայանալիք հրամանատարա-շտաբային զորավարժություններ էին ու դրանց ուղղությամբ տարվող նախապատրաստական աշխատանքների քննարկումը, մարզպետարան-համայնք-մարզային զինվորական կոմիսարիատ փոխգործակցության ամրապնդումը:
Նիստին ներկա էին Կոտայքի մարզի զինվորական կոմիսար, գնդապետ Հ. Հովհաննիսյանը, Կոտայքի մարզային փրկարարական վարչության պետ, փ/ծ գնդապետ Արմեն Ամիրջանյանը, մարզի ուժային կառույցների, մարզպետարանի համապատասխան ստորաբաժանումների և համայնքների ու վարչական շրջանների ղեկավարներ:
Աշնանը նախատեսվող հրամանատարա-շտաբային զորավաժությունների մասին զեկույցով հանդես է եկել Կոտայքի մարզի զինվորական կոմիսար, գնդապետ Հ.Հովհաննիսյանը, որից հետո հարցեր են հնչել զեկուցողին:
Ամփոփելով նիստը՝ մարզպետ Ռոմանոս Պետրոսյանը նշել է, որ պետք է անել առավելագույնը աշնանը նախատեսվող զորավարժությունների ընթացքում բարձր պատրաստվածություն ցուցաբերելու ուղղությամբ:
1
2
3
4
5
1
2
3
4
5
