Վայ այն պաշտոնյաներին, որ պարզվի՝ հանձնարարականները չեն կատարել, այսօրվանից վեշերը հավաքեն ու գնան իրենց գործին. Նիկոլ Փաշինյան

2019 թ. բյուջեի հայտերի քննարկման համատեքստում անդրադարձել եմ և տվել եմ կոնկրետ հանձնարարականներ և հիմա վերադառանում եմ այդ թեմային՝ վայ այն պաշտոնյաներին, որ իմ հանձնարարականներն այս կոնտեքստում չեն կատարել. Կառավարության նիստին այս մասին հայտարարեց վարչապետ Նիկոլ Փաշինյանը:

«Մենք այսքան խոսում ենք, որ այս երկիրը կառավարվում է ծիգիզմի, պոակիզմի և հիմնադրամիզի տրամաբանությամբ և ամեն անգամ, երբ բանը գալիս հասնում է հարցեր լուծելուն, պարզվում է, որ պետք է նորից քննարկենք: Ոչ մի բան նորից չպետք է քննարկենք, ի՞նչ է այդ ԾԻԳ-ը, դա պադավատներ են, ատկատներ են, կոռուպցիա է, այսօր մեր կոռուպցիայի ամենամեծ օջախները, գնացեք մտեք ցանկացած ոլորտ, և հերթով կբացահայտվեն»,-ասաց նա:

Ըստ վարչապետի՝ ամեն անգամ ասում են, որ նախարարությունում աշխատողները կարողություններ չունեն: «Եթե չունեն, ուրեմն նախարարությունները լուծարենք, բա ինչի՞ համար ենք պահում այս ամբողջ պետական կառավարման համակարգը ու բաժանել ենք պետական պաշտոնյաններին սորտերի՝ առաջին, երկրորդ, երրորդ սորտ, հետո էլ ասում ենք՝ պետական կառավարման համակարգի աշխատավարձերը բարձրացնենք, ո՞նց բարձրացնենք, երբ կան համակարգեր, որ տասն անգամ բարձր աշխատավարձ են ստանում:  Ինչ է թե իրենք արտոնյալներ են»,-ասաց նա:  

Նիկոլ Փաշինյանը հիշեցրեց, որ պետական կառավարման համակարգի թեմայով կայացվել է քաղաքական որոշում: «Այն պաշտոնյաները, որ պարզվի՝ հանձանարականները չեն կատարել, էսօրվանից իրենց վեշերը հավաքեն ու գնան իրենց գործին, շատ հստակ եմ ասում»,-բարկացավ Փաշինյանը:

Փոխվարչապետի պաշտոնակատար Տիգրան Ավինյանն ասաց, որ բովանդակային մտահոգությունը կապված է զուտ ծրագրերի իրականացման հետ: «Նույնիսկ եթե այս տարի իրականացրել են 10 ծրագրի 50 տոկոսը, կոմունիկացիան Համաշխարհային բանկի հետ մինչև վերջ իրականացրել ենք, և արդյոք չե՞նք ունենա, օրինակ, զրո տոկոս իրակացված ծրագիր: Այսիքն՝ եթե հմտությունների գնահատում տեղի ունենա, ինչքա՞ն կտևի պրոցեսը, արդյոք Համաշխարահային բանկի հետ համաձայնացրե՞լ ենք գործընթացը»,-հարցրեց նա:

Նիկոլ Փաշինյանն արձագանեց. «Ի՞նչ է նշանակում համաձայնեցնել, որ «Հյուսիս-հարավ» ծրագիրն էլ ենք իրակացրել, ի՞նչ ենք արել,  բռնել թալալնել են, ու լավ է, որ չի իրակացվել, կանխել ենք կոռուպցիան: Ունենք քաղաքական մոտեցում, ու իրակացվելու են, հերիք է, Համաշխարհային բանկով բերեք վերջնական փաստարկ, այդ մոտեցումը դադարեցրեք»,-ասաց նա:

Ավինյանը նշեց, որ փաստարկի համար չի ասում, այլ, որ հասկանան՝ մինչև վերջ պայմանավորվածություն ունեն Համշախարահային բանկի հետ:  

Փոխվարչապետ Մհեր Գրիգոյանը նշեց, որ Համաշխարհային բանկն այն փաստարկները, որ բերում է, իրենք էլ ունեն հակափաստարկներ: «Իրենց շահերից էլ է բխում, որ ծիգիզմ չունենանք, վաղը անպայման ընդհանուր հայտարարի կգանք, ու պրոցեսը ընդունելի կլինի բոլոր կողմերի համար: Եթե նոր հարց ի հայտ գա, կքննարկենք»,-ասաց նա և խնդրեց, որ բյուջետային հայտերի քննարկումների արդյունքներն արագացնեն:

«Որովեհտև դա մի փուլ էլ է անցել, և եզրակափակիչ փուլում ենք»,-ասաց նա:  

Վարչապետը նշեց, որ արդյունավետության բարձրացման կարևորագույն մասը պետական ապարատում աշխատավարձերի բարձրացումն է, ինչը իրակացնում են, ցավոք ոչ համատարած: «Դա կախված է  արդյունավետության բարձրացման փոփոխման տրամաբանությունից»,-ասաց նա: