Գեղարքունիքը, Վայոց Ձորը և Լոռին նոր մարզպետներ ունեն

Այսօր կառավարության հերթական նիստին տարածքային կառավարման և զարգացման նախարար Սուրեն Պապիկյանը ներկայացրեց երեք մարզպետ նշանակելու որոշման նախագիծը:

Այսպիսով, Գնել Սանոսյանը նշանակվեց Գեղարքունիքի մարզպետ, Տրդատ Սարգսյանը՝ Վայոց Ձորի մարզպետ, իսկ Լոռու մարզպետ նշանակվեց Անդրեյ Ղուկասյանը:

ՀՀ վարչապետ Նիկոլ Փաշինյանը շնորհավորեց և հաջողություններ մաղթեց մարզպետներին:

Հիշեցնենք, որ ԱԺ կանոնակարգ-օրենքին կողմ քվեարկելուց հետո ՀՀ վարչապետ Նիկոլ Փաշինյանը պաշտոններից ազատել էր ՀՅԴ-ական ու ԲՀԿ-ական մարզպետներին:

Գնել Սանոսյանի կենսագրությունը


Ծնվել է 07.10.1983թ., Գեղարքունիքի մարզի Ծակքար գյուղում 

Կրթություն 

2000-2004թթ. սովորել է ԵՊՀ, Աշխարհագրություն մասնագիտությամբ, Աշխարհագրության բակալավրի աստիճան 

2004-2006թթ. սովորել է ԵՊՀ Աշխարհագրության մասնագիտությամբ, Աշխարհագրության մագիստրոսի աստիճան /մասնագիտացումը բնօգտագործում և բնապահպանություն/ 

Աշխատանքային գործունեություն 

2004-2010թթ. «Մակսեդան» օտար լեզուների վարժարանում` որպես աշխարհագրության ուսուցիչ 

2007-2010թթ. Երևանի հյուսիսային համալսարանում` որպես դասախոս 

2014-2015թթ. «Կարդինալ Ինթերնեյշնլ» ՍՊԸ-ում, որպես վաճառքի պատասխանատու 

2006-2018թթ. Արտաքին տնտեսական կապերի համալսարանում` որպես դասախոս 

«Հայկական աշխարհագրական ընկերություն» գիտական-հասարակական կազմակերպության անդամ է Կուսակցական պատկանելիությունը ՔՊ կուսակցության անդամ 

Անձնական տվյալներ 

Ամուսնացած է, ունի երկու երեխա 



Տրդատ Սարգսյան 

Վայոց Ձորի մարզպետ նշանակված Տրդատ Սարգսյանն աշխատել է  DSN Consulting LLC ընկերությունում: Նա նաև առաջադրվել էր «Իմ քայլը» դաշինքի ցուցակով՝ որպես Երևանի ավագանու անդամ, ցուցակի 4-րդ համարն էր: 



Անդրեյ Ղուկասյանի կենսագրությունը 

Ծնվել է 1980 թ. օգոստոսի 12-ին Վանաձոր քաղաքում:

1987-1995թթ. սովորել է Վանաձորի թիվ 1 միջնակարգ դպրոցում:

1995-1997թթ. սովորել է Վանաձորի Ս.Աբովյանի անվան թիվ 1 վարժարանում:

1997-2002թթ. սովորել  և ավարտել է Երևանի Մխիթար Հերացու անվան պետական բժշկական համալսարանի ստոմատոլոգիական ֆակուլտետը:

2002-2004թթ. սովորել  և ավարտել է ՌԴ Վորոնեժի Ն.Ն.Բուրդենկոյի անվան պետական բժշկական ակադեմիայի օրդինատուրան:

2004-2006թթ.  ծառայություն ՀՀ ԶՈՒ, որպես բուժ. Ծառայության սպա:

2004-2014թթ. աշխատել է Վան-Մեդ ԲՄԿ ՓԲԸ –ում , որպես բժիշկ-ստոմոտոլոգ:

2014թ. աշխատում է Օպտիմում Դենտ ստոմոտոլոգիական կլինիկայում , որպես հիմնադիր-տնօրեն, օրթոդոնտ, իմպլանտոլոգ:

Բազմիցս մասնակցել է մասնագիտական դասընթացների Գերմանիայի դաշնությունում:

Անցել է մի շարք վերապատրաստումներ:

2018թ. նշանակվել է Լոռու մարզպետի տեղակալ:

2018թ. հոկտեմբերի 10-ին նշանակվել է Լոռու մարզպետ

Քաղաքացիական պայմանագիր կուսակցության անդամ է:

Ամուսնացած է, ունի երեք երեխա: