Ռուսաստանը պետք է Հայաստանին զենք վաճառի իրական գումարի դիմաց, այլ ոչ վարկով. «Независимое военное обозрение»
Քաղաքականություն
Ռուսական «Независимое военное обозрение» պարբերականը հոդված է հրապարակել հայ-ռուսական ռազմատեխնիկական համագործակցության մասին: Հրապարակման մեջ ներկայացված է Հայաստանի կողմից վերջին տարիներին ձեռքբերված սպառազինությունների ցանկը: Մասնավորապես նշվում է, որ Երևանը երկար տարիներ ոչ միայն արտոնյալ պայմաններով ռուսական զենք է ստացել, այլ նաև ստացել է քաղաքական աջակցություն և տնտեսական արտոնություններ:
«Ռուսաստանից զենքի մատակարարումները կարող են կանգնեցնել հակամարտության աճը՝ կողմերից մեկի ռազմական առավելությունը բերելով մոտավոր հավասարության: Բայց բոլորին չէ, որ դուր է գալիս Մոսկվայի և Երևանի միջև ռազմատեխնիկական համագործակցությունը: Այսպես, ԱՄՆ ազգային հետախուզության ղեկավար Դեն Քոութսի «Համաշխարհային վտանգների գնահատականը» զեկույցում նշվում է, որ երկու կողմերի մոտ փոխզիջման գնալու ցանկության բացակայությունը, ճնշման ավելացումը, Ադրբեջանի կայուն ռազմական արդիականացումը և Հայաստանի կողմից 2018 թվականին նոր ռուսական զենքի ձեռքբերումը կարող են հանգեցնել լայնամասշտաբ ռազմական գործողությունների»,- ասված է հոդվածում:
Նշվում է, որ հենց այդ հանգամանքը կարող էր դառնալ Բրյուսել 2018 թվականի հուլիսին Հայաստանի վարչապետ Նիկոլ Փաշինյանի այցի պատճառը և Երևանի մերձեցումն ԱՄՆ-ի ու Հյուսիսատլանտյան դաշինքի հետ:
«Գուցե պետք է ավելի պարզ վարվել՝ վարկով չվաճառել ժամանակակից սպառազինություն, որը հաճախ, ինչպես ցույց է տալիս պատմական փորձը, չի վերադարձվում տնտեսական պատճառներով, այլ այն մատակարարել իրական գումարի դիմաց: Այդ ժամանակ ամեն ինչ ազնիվ կլինի և առանց վիրավորանքի»,- նշված է հոդվածում:
Նյութում նաև նշվում է, որ Հայաստանի իշխանությունների տարբեր քայլերը, մասնավորապես՝ ՀԱՊԿ գլխավոր քարտուղարի դեմ մեղադրանքի առաջադրումը և հայ-ռուսական պայմանագրերի մի քանի կետերի վերանայման մասին Հայաստանի պաշտպանության նախարար Դավիթ Տոնոյանի խոսքերը, վկայում են Մոսկվայի նկատմամբ Երևանի դիրքորոշման փոփոխության մասին:
1
2
3
4
5
1
2
3
4
5
3
4
5
