Քաղաքական գործիչների օնլայն մեդիա վարկանիշը 2017 թվականին

ԶԼՄ-ների մոնիտորինգի, վերլուծության եւ գնահատման MaxMonitor համակարգը 2017 թվականի ընթացքում հետեւել է հայկական օնլայն մեդիայում մի շարք քաղաքական գործիչների լուսաբանման ընթացքին:Մոտ 130 լրատվական կայքերի դիտարկման արդյունքներով նախորդ տարվա ընթացքում ամենից շատ հիշատակված քաղաքական գործիչների եռյակն է՝1. Սերժ Սարգսյան ՝  71 397  հիշատակում:2. Կարեն Կարապետյան ՝ 59 782 հիշատակում:3. Տարոն Մարգարյան՝  21 310 հիշատակում: 2017թ. ամենաքիչ հիշատակված քաղաքական գործիչների եռյակն է՝1. Լեւոն Տեր-Պետրոսյան՝ 4 501 հիշատակում:2. Րաֆֆի Հովհաննիսյան՝ 4 095 հիշատակում:3. Ռոբերտ Քոչարյան՝ 3 409 հիշատակում:

MaxMonitor-ի մասնագետների կողմից առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում է դրական, չեզոք եւ բացասական երանգ ունեցող հիշատակումների պատկերը: Այն հասանելի է ստորեւ ներկայացվող աղյուսակում եւ վերաբերում է հաշվետու 12 ամիսներին:

Մեդիամաքս մեդիա-ընկերությունն իր MaxMonitor համակարգով Հայաստանի մեդիայի մոնիտորինգի, վերլուծության եւ գնահատման շուկայի բացարձակ առաջատարն է: Համակարգի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ եւ դեսպանություններ: