Ինչո՞ւ Կարապետյանը Արեւմուտք չի այցելում
Քաղաքականություն
Հայաստանը լինելով ԵՏՄ անդամ՝ զարգացնում է հարաբերությունները նաև Եվրամիության ու ԱՄՆ հետ: Այս մասին այսօր ԱԺ-կառավարություն հարց ու պատասխանի ժամանակ ասաց վարչապետ Կարեն Կարապետյանը: Ելք խմբակցության պատգամավոր Էդմոն Մարուքյանը Կարեն Կարապետյանին հարցրեց՝ ինչո՞ւ նա իր պաշտոնավարման մեկ տարվա ընթացքում այցեր չի կատարում Արևմտյան երկրներ և չի փորձում այդ երկրներից ներդրումներ ներգրավել Հայաստան: Չեն հրավիրում, թե՞ վարչապետն է մերժում այցերը:
Կարապետյանն ասաց, թե եթե Հայաստանի կառավարության անդամները չեն այցելում արևմտյան երկրներ, դա դեռ չի նշանակում, որ Հայաստանը արևմտյան երկրների կամ արևմտյան երկրների ներդրողների հետ օրակարգ չունի:
«Մոտակա ժամանակներս նախատեսվում են այցեր ու այցը կլինի այն ժամանակ, երբ որ մենք ունենանք օրակարգ և առարկայական խոսելու թեմա», - նշեց վարչապետը։
Կարեն Կարապետյանն ընդգծեց՝ ԵԱՏՄ անդամ լինելով՝ Հայաստանը որևիցե այլ շուկաների նկատմամբ թերուշադրություն չի ցուցաբերել։
«Մենք տարին ամփոփելուց պատրաստում ենք շատ լայնամասշտաբ պատասխան, ինչպես 100 օրվա մեջ ենք պատասխանել, որտեղ մանրամասն կգրենք մեր հետազոտություններն ու թվերը շուկաների վերաբերյալ», - ասաց նա։
Երբ Էդմոն Մարուքյանն արձանագրեց, որ փաստորեն վարչապետն Արևմտյան երկրների հետ օրակարգ չունի, Կարեն Կարապետյանը պատասխանեց, որ և Եվրամիության, և ԱՄՆ հետ Հայաստանի հարաբերություններն ավելի լավ են, ծրագրերն ավելի շատ են:
«Օրակարգ չունենք այց կատարելու: Տեքստի մեջ կա մի քննադատություն, մի կողմնակալ վերաբերմունք, որի էությունը չեմ հասկանում: Ես էլ ասում եմ, որ բոլոր նման երկրների հետ ունենք հարաբերություններ, անպայման պետք է այց ունենա՞նք: Օրակարգ ունեմ, գնում եմ, էլի եմ գնալու, եթե օրակարգ ունենամ, հենց Ամստերդամում օրակարգ ունենամ, գնալու եմ»,- ասաց վարչապետը:
1
2
3
4
5
1
2
4
5
3
5
