Հայաստանում մեկնարկել է հայ-տաջիկական միջկառավարական հանձնաժողովի նիստը (Ֆոտո)

Հունիսի 13-ին Երեւանում մեկնարկել է հայ-տաջիկական տնտեսական համագործակցության հանձնաժողովի միջկառավարական նիստը։

Նիստը վարում են միջկառավարական համաժողովի համանախագահները՝ ՀՀ տնտեսական զարգացման եւ ներդրումների նախարար Սուրեն Կարայանն ու Տաջիկստանի տնտեսական զարգացման եւ առեւտրի նախարար Նեմատուլոն Հիմկատուլոզոդան։

Կարայանը նշեց ԵՏՄ-ին անդամակցության Հայաստանի առավելությունն ու տեղեկատվական տեխնոլոգիաների ոլորտում ներդրողների համար գրավչությունը։ Ապացույցը՝ այստեղ վարած բիզնեսը Microsoft-ի, Synopsys-ի, National Instruments-ի բաժիններ եւ դուստր ձեռնարկություններ են։ Բացի այդ, հանրապետությունում գործում են ազատ տնտեսական գոտիներ, որտեղ բարձր տեխնոլոգիաների եւ ոսկերչական արդյունաբերության ոլորտում ընկերությունները գործնականում ազատված են հարկերից։ 

Իր հերթին, նախարար Հիկմատուլոզոդան նշեց, որ տնտեսական կապերի կարգավորումը ծառայում է ոչ միայն հօգուտ երկու երկրների, այլեւ առհասարակ տարածաշրջանին։ «Հանձնաժողովի նիստը հող կնախապատրաստի հունիսի 14-15-ին Տաջիկստանի նախագահ Էմոմալի Ռահմոնի Հայաստան այցի համար։ Վերջին 5 տարում հանրապետությունը կարողացել է 4,5 մլրդ դոլարի արտասահմանյան ներդրումներ ներգրավել։ Այժմ պետական ու օտարերկրյա ներդրումների հաշվին 2,8 մլրդ դոլարի 64 տարբեր նախագծեր են իրականացվում։ Իրականացվում են նաեւ 1,2 մլրդ դոլարի կոնցեսիոն ծրագրեր։ Մենք ուրախ են Հայաստանի հետ համագործակցությունն ամրապնդելու համար՝ այժմ այն անարդարացիորեն ցածր մակարդակի է»,-նշեց Տաջիկստանի տնտեսական զարգացման ու առեւտրի նախարարը։