Թող 3 թեկնածուները, որպես բազմազավակ ծնողներ պատմեն, թե ինչպես են այդքան երեխաների հետ գլուխ հանում. Բախշյանի առաջարկը
Քաղաքականություն
Ավելի քաղաքակիրթ ձեւ ընտրությունների ժամանակ ընտրողներին կողմնորոշելու, քան բանավեճերն են, չկա: Այս մասին, այսօր՝ ապրիլի 25-ին, լրագրողների հետ զրույցում նշեց Երեւանի ավագանու «Ելք» դաշինքի թեկնածու Անահիտ Բախշյանը:
Նրա խոսքով, բանավեճերը շատ դիպուկ բացահայտում են՝ ով ինչ է արել, ինչ ծրագրեր ունի, ով ինչպես է խոսում, ինչը եւս շատ կարեւոր. «Զարմանալի է, որ թեկնածու Տարոն Մարգարյանի կողմնակիցներն ասում են, թե դրա կարիքը չկա»:
Անահիտ Բախշյանը հանդես եկավ մի ուշագրավ առաջարկով. «Թող երեք թեկնածուները՝ Տարոն Մարգարյան, Նիկոլ Փաշինյան, Զարուհի Փոստանջյան, հավաքվեն, որպես բազմազավակ ծնողներ պատմեն, թե ինչպես են այդքան երեխաների հետ գլուխ հանում, ինչպես են պահում եւ ինչ են խորհուրդ տալիս մեր ժողովրդին, որ այդ օրինակը վարակիչ լինի: Հետա արդեն կարող են խոսել իրենց ծրագրերի մասին»,- առաջարկեց Ա. Բախշյանը:
«Ելք» դաշինքի թեկնածուներից Ալեն Սիմոնյանն էլ հավելեց, որ այս հարցում Հանրային հեռուստատեսությունն անելիք ունի, նա պետք է կազմակերպի նման բանավեճ. «Մեր կողմից այդ հրավերը նախապես ընդունվում է»:
1
2
3
4
5
1
2
4
5
3
5
