ՀՀԿ-ի համար ձայներ բերեցին այն գործիչներն ու գործարարները, որոնք լցոնումների կարիք չունեին. Քեռյան
Քաղաքականություն
Խորհրդարանական ընտրություններում Հանրապետական կուսակցության ունեցած հաջողությունը կապված էր ճկուն քաղաքական տեխնոլոգիաների կիրառմամ հետ՝ կառավարության փոփոխություն, նոր վարչապետի նշանակում: Այս մասին լրագրողների հետ զրույցում ասաց ԵՊՀ միջազգային հարաբերությունների ֆակուլտետի քաղաքական ինստիտուտների եւ գործընթացների ամբիոնի վարիչ, քաղաքագետ Գարիկ Քեռյանը:
«Տեսանք, որ հանրապետական կուսակցությունը բավականին մեծ թռիչքաձեւ արդյունքներ ունեցավ եւ առաջ անցավ երկրորդ քաղաքական ուժից: Այս արդյունքները պատահականություն չեմ համարում, եթե խորությամբ նայենք` կտեսնենք, որ նաեւ ինչ-որ ձեւով օրինաչափ էր: Հանրապետականը ճկուն քաղաքական տեխնոլոգիաներ կիրառեց` կառավարության փոփոխությունը, նոր վարչապետի նշանակումը հսկայական էֆեկտ ունեցան: Հարկային, մաքսային նոր փոփոխությունները, որոնք գործարար աշխարհում ստեղծեցին այն հավատը, որ Հայաստանի նոր կառավարությունը կարող է Հայաստանի տնտեսույթունը դուրս բերել ճգնաժամային վիճակից»,-ասաց նա:
Գարիկ Քեռյանի խոսքով, Հանրապետական կուսակցության նախընտրական քարոզարշավը եւս մեծ դեր ունեցավ կուսակցության հաղթանակի համար:
«Քարոզարշավի գլուխ նոր դեմքեր կանգնեցին, առաջատար եռյակն հենց այն գործիչներն էին, որոնք կարողացան նոր կերպարով ներկայացնել այս կուսակցության քաղաքական դեմքը: Հանրապետական կուսակցությունը կարողացավ արդյունավետ օգտագործել համամասնական եւ ռեյտինգային ցուցակների համաչափությունը: Հսկայական ձայներ բերեցին քաղաքական գործիչները, գործարարները, որոնք լցոնումների կարիք չունեին, պարզապես այդ տարածքներում հայտնի էին իրենց գործունեությամբ»,-ասաց ան:
Գարի Քեռյանի նշեց, որ անակնկալ էր ընտրությունների արդյունքում «Հայկական վերածնունդ» կուսակցության խորհրդարան չանցնելը:
«Կուսակցությունն ուներ իր հեռուստաալիքը, որը հզոր գաղափարական զենք էր, ուներ քաղաքական կառույցներ, որոնք վկայում էին, որ պետք է մտնեն խորհրդարան: Բայց քաղաքականության մեջ կան վայրիվերումների ժամանակներ, այս դեպքում էլ քաղաքական իմիջի առումով 2017թ. համընկավ այս կուսակցության քաղաքական իմիջի անկման հետ, ի վերջով քաղաքական դաշտ մտած «Ելք» դաշինքը բավականին մեծ քայլեր խլեց ընդդիմադիր ուժերից»,-ասաց նա:
1
2
3
4
5
1
2
3
4
5
