ԵՄ երկրներից ամենաշատը Չեխիայի քաղաքացիներն են քննադատաբար վերաբերվում միգրանտներին
Քաղաքականություն
Եվրամիության երկներից ամենաշատը Չեխիայի քաղաքացիներն են քննադատաբար վերաբերվում երրորդ երկրներից ժամանած միգրանտներին: Նրանց դրական են վերաբերվում միայն հարցվածների 14 տոկոսը, մինչդեռ Եվրամիությունում միջին ցուցանիշը 66% է, հաղորդում է ՌԻԱ Նովոստին՝ վկայակոչելով České noviny պարբերականին :
«Չեխիայի քաղաքացիները ԵՄ գլխավոր խնդիրներից են համարում միգրացիան ու ահաբեկչությունը: Չեխերի միայն 23%-ն է համարում, որ իրենց երկիրը պետք է օգնի փախստակններին: Միայն 12%-ն է որեւէ օգուտ տեսնում միագրացիայից, մինչդեռ ԵՄ-ում այս ցուցանիշը 44% է: Չեխիայի քաղաքացիների մոտ 95%-ը ենթադրում է, որ ապօրինի միգրացիայի հետ անհրաժեշտ է ավելի վճռական պայքարել, քան ներկայումս»,- հարցման արդյունքներն է ներկայացնում Եվրահանձնաժողովի կայքը:
Ընդհանուր առմամբ Եվրամիության ապագան դրական է գնահատում հարցված չեխերի 49%-ը, բացասական՝ 47%: Եվրոպական տնտեսության բարելավում է ակնկալում 13%-ը, վատթարացում՝ 30%-ը, իսկ հարցվածների կեսը տնտեսական փոփոխության հեռանկար չի տեսնում:
Հարցումն անցկացվել է Eurobarometr գործակալության կողմից՝ 2016թ. վերջին: Գործակալությունը նման հարցումներ անցկացրել է ԵՄ անդամ բոլոր երկրներում:
1
2
3
4
5
1
2
4
3
5
