Հայաստանի եւ Ռուսաստանի զորքերի միացյալ խմբավորումը բոլորովին նորություն չէ. Քոչարյան
Քաղաքականություն
Հայաստանի եւ Ռուսաստանի զորքերի միացյալ խմբավորումը բոլորովին նորություն չէ։ Այս մասին նոյեմբերի 23-ին՝ մամուլի ասուլիսի ժամանակ, ասել է ՀՀ փոխարտգործնախարար Շավարշ Քոչարյանը։
«Համաձայնությունը վաղուց կար եւ գործում է վաղուց՝ 2000 թվականի սկզբից։ Այս դեպքում խոսքը որոշ ոչ այնքան խորը փոփոխությունների մասին է»,– պարզաբանեց փոխարտգործնախարարը։ Նրա խոսքով՝ առաջին հերթին հարցը վերաբերում է ագրեսիայի դեպքում համատեղ գործողություններին, ինչն այս փուլում շատ կարեւոր է։ «Մենք հույսներս դնում ենք մեզ վրա, բայց դա չի նշանակում, որ չենք սպասում գործընկերների աջակցությանը»,– նշեց Շավարշ Քոչարյանը։
Ընդ որում, նա շեշտեց, որ անհիմն են այն ենթադրությունները, որ ինչ–որ պահի հայկական բանակի հրամանատարությունը կարող է անցնել ուրիշի ձեռքը։ «Խոսքը համատեղ գործողությունների համար ստորաբաժանման մասին է»,– ասաց Քոչարյանը։
Մեկնաբանելով որոշ փորձագետների այն հայտարարությունները, որ միացյալ խմբավորումը կարող է ինչ–որ կերպ անդրադառնալ հայ–վրացական հարաբերություններին, Քոչարյանը նշեց, որ կա 2008—ի ցավոտ նախադեպը, երբ Հայաստանը կարողացավ պահպանել բարիդրացիական հարաբերությունները թե՛ Վրաստանի, թե՛ Ռուսաստանի հետ։ «Նման մտավախությունները մտացածին են»,– ասաց Քոչարյանը։
1
2
3
4
5
1
2
3
4
5
