ՌԴ-ում 4,5 տարով ազատազրկված հայ վարորդը գանգատվում է առողջական խնդիրներից
Միջազգային
Տուլայում հայկական ավտոբուսի վթարի գործով 4,5 տարվա ազատազրկման դատապարտված Գառնիկ Հարությունյանի գործով վերաքննիչ բողոքի քննությունը դեռ չի կայացել, քանի որ կողմերը ժամանակ են խնդրել նախապատրաստվելու համար:
NEWS.am-ի թղթակցի հետ զրույցում Հարությունյանի փաստաբան Ռուբեն Կիրակոսյանը նշեց, որ իր պաշտպանյալը մարտական է տրամադրված եւ սպասում է դատարանի վճռին: Փաստաբանը հայտնեց նաեւ, որ հայ վարորդը գանգատվում է առողջական խնդիրներից, շատ է կարոտում ընտանիքին եւ շատ է ուզում, որ իր բարի համբավը վերականգնվի:
Ավելի վաղ տեղեկացրել էինք, որ Ռուսաստանում դատարանը 4,5 տարվա ազատազրկման է դատապարտել վթարի ենթարկված՝ Մոսկվա-Երեւան ավտոբուսի հայ վարորդին:
Հիշեցնենք, որ վթարը Տուլայի մարզի Մ-4 մայրուղում տեղի է ունեցել 2015թ. նոյեմբերի 3-ին: Ավտոբուսում կար ավելի քան 60 մարդ, բոլորը Հայաստանի քաղաքացիներ: Վթարի հետեւանքով զոհվել է 9 մարդ, տուժել՝ 46-ը, որոնցից 32-ը հոսպիտալացվել է: Վարորդի դեմ քրեական գործ էր հարուցվել «ճանապարհային երթեւեկության կանոնները խախտելը, որն անզգուշաբար հանգեցրել է երկու եւ ավելի մարդկանց մահվան» հոդվածով: Դատարանը որպես խափանման միջոց ընտրել էր կալանավորումը:
1
2
3
4
5
1
2
5
3
5
