Զախարովան գնահատել է Սիրիայում Ռուսաստանի եւ ԱՄՆ-ի ռազմական բախման հավանականությունը

Ռուսաստանի ԱԳ նախարարության պաշտոնական ներկայացուցիչ Մարիա Զախարովան ի պատասխան Սիրիայում Ռուսաստանի եւ ԱՄՆ-ի ուղղակի բախման հնարավորության մասին հարցին հիշեցրել է, որ երկու երկրների միջեւ գործում է այդ երկրի տարածքում հակամարտությունը կանխելու համաձայնագիր: Այս մասին հայտնում է «ՌԻԱ Նովոստի»-ն:

«Ռոսիա-1»-ի եթերում Զախարովային հարցրել են, թե ինչ կարծիք ունի Սիրիայում ռուսական եւ ամերիկյան ռազմական բախման մասին, օրինակ՝ եթե ԱՄՆ-ը ռմբակոծի սիրիական բանակը, իսկ Ռուսաստանը  երկինքը փակի իր С-300 համակարգերով:

«Կարծում են, որ այս հարցում մեծ թվով տարրեր կան, չնայած, իհարկե, այն այնքան ուղղակի է տրված: Մեր ուղղակի պատասխանն էլ կարող է լինել այն, որ մենք ամերիկացիների հետ համապատասխան համաձայնագիր ենք կնքել հակամարտությունը կանխելու վերաբերյալ»,- ասել է նա:

Նա ուշադրություն է հրավիրել նաեւ այն հանգամանքի վրա, որ այդ դեպքում Սիրիայիում կարգավորման իրական հեռանկարը երկար ժամանակով կհետաձգվի:

Զախարովայի խոսքով՝ սկզբում Վաշինգթոնում ասում էին, որ Սիրիայի հարցով Ռուսաստանի հետ ցանկացած երկխոսություն դադարեցրել են: «Հետո երկու օր անցավ, եւ երեւան եկան նոր մոտեցումներ, որ նրանք քաղաքական կարգավորումից չեն հրաժարչվում»,- ասել է նա:

«Իրավիճակից դուրս գալու հարցի որոնման աշխատանքը նրանք շատ կարեւոր են համարում: Անցնում է եւս մեկ օր, եւ հայտնվում է նոր ներածական այն մասին, որ նրանք ոչ թե դադարեցրել են, այլ ընդհատել են Ռուսաստանի հետ համագործակցությունը»,- ասել է Զախարովան: