Բելառուսը ծրագրում է ինքնաթափ և լեռնահանքային սարքավորումներ արտահանել Հայաստան
Միջազգային
Բելառուսը ծրագրում է ինքնաթափ և լեռնահանքային արդյունաբերությամն սարքավորումներ արտահանել Հայաստան: Ինչպես հաղորդում է «Արմենպրես»-ը, այս մասին հայտնում է բելառուսական «Բելտա» գործակալությունը' հղում կատարելով երկրի ԱԳՆ պաշտոնական կայքին:
Նշվում է, որ այդ հարցը քննարկվել է Հայաստանում Բելառուսի դեսպան Իգոր Նազարյուկի' Սյունիքի մարզ կատարած այցելության ժամանակ: Դեսպանն այցելել է հանքաարդյունաբերական մի շարք ձեռնարկություններ , մասնավորապես' Զանգեզուրի պղնձամոլիբդենային կոմբինատ, Ագարակի պղնձամոլիբդենային կոմբինատ և Կապանի լեռնահարստացման կոմբինատ:
Նշված կոմբինատների ղեկավարների հետ հանդիպման ընթացքում քննարկվել են մեքենաների, անվադողերի, ինքնաթափ սարքավորումների և Հայաստանում պահանջարկ ունեցող բելառուսական այլ արտադրանքի արտահանման հետ կապված հարցեր:
Դեսպանը հանդիպում է ունեցել նաև Սյունիքի մարզպետ Սուրիկ Խաչատրյանի հետ: Հանդիպման ընթացքում քննարկվել են առևտրի, տնտեսության և հումանիտար ոլորտներում երկկողմ փոխգործակցության հետ կապված արդիական հարցեր:
1
2
3
4
5
1
2
3
4
5
1
3
4
