Իր հղիության մասին չկասկածող կինը 20 վայրկյանում ծննդաբերել է
Life
Իր հղիության մասին նույնիսկ չկասկածող կինը, որը կարծում էր, թե ընդամենը փորկապություն ունի, բոլորի, նույնիսկ բժիշկների համար անսպասելիորեն երեխա է ունեցել: Բարեբախտաբար երեխան առողջ էր, չնայած մայրը հղիության ամբողջ ընթացքում չէր սահմանափակել ալկոհոլային խմիչքների օգտագործումը:
23-ամյա անգլուհի Էսթեր Հոուպը երկար ժամանակ տանջվում էր թիկունքի եւ փորի ցավերից: Նրան թվում էր, թե մեղավորը գրգռված աղիքների համախտանիշն է, որով նա տառապում էր: Բժիշկները եւս ենթադրում էին, թե խրոնիկական փորկապություն ունի եւ լուծողականներ էին նշանակում:
Մի անգամ ցավն անտանելի դարձավ, եւ աղջկան շտապ հասցրեցին հիվանդանոց` արագ հոգնա անելու: Անսպասելիորեն նրա ջրերը գնացին, բայց նույնիսկ այդ ժամանակ բժիշկները որոշեցին, որ «նրա օրգանիզմը նախապատրաստվում է բնական կարիքը հոգալուն»:
Էսթերին թողեցին շտապ օգնության բաժանմունքի անվասայլակի վրա: 20 վայրկյանից աշխարհ եկավ նրա դուստրը, որին Լիլի կոչեցին: Ցնցված բժիշկները վերադարձան եւ տեսան, որ հիվանդի գրկում երեխա կա:
«Ես զգացի Լիլիի գլխիկը եւ հայրիկին գոռացի, որ բուժքույր կանչի: Նրա գնալուց մի քանի վայրկյան անց ես ծննդաբերեցի: Նույնիսկ չէի պատկերացնում, թե ինչ անեմ, հիստերիկայի մեջ էի, ցնցված էի: Չէի սպասում, որ կարող եմ երեխա ունենալ, որովհետեւ հակաբեղմնավորիչների ներարկումներ էի անում: Իսկ հղիության ընթացքում սպիրտային խմիչքներ էի օգտագործում, չէ՞ որ ոչինչ չէի կռահում: Գնացի ընկերուհուս հարսանիք, որտեղ լիքը շամպայն խմեցի: Ատրակցիոններում մեքենա էի քշում, իսկ ծննդաբերության շաբաթվա ընթացքում ընդհանրապես 36 ժամ աշխատել եմ»:
Լիլիի ծննդյան պահից երեք ամիս է անցել: Երեխան առողջ է, բայց Էսթերը դեռեւս չի կարողանում հավատալ, որ մայր է դարձել:
1
2
3
4
5
1
3
5
1
3
4
5
