Ինչպե՞ս ավելացնել քաշը

Shabat.am-ը գրում է․

Այն մարդիկ, ովքեր ամբողջ կյանքում երազում են նիհարելու մասին, դժվարանում են հասկանալ նրանց, ովքեր ցանկանում են քաշ ավելացնել:
Այո, իրականում այս խնդիրը կա, բայց շատ հազվադեպ կարող ենք հանդիպել:

Եթե նիհարելու համար անհրաժեշտ է կամքի ուժ, ապա չաղանալու համար միայն կամքի ուժը բավական չէ:

Ի՞նչ պետք է իմանալ քաշն ավելացնել ցանկացողներին: Ինչպե՞ս ավելացնել քաշը ողջամիտ սահմաններում եւ մնալ առողջ մարդ:

Առաջին թշնամին ծխախոտն է: Թողնելով ծխելը դուք առաջին քայլն եք անում մի քիչ չաղանալու: Ցանկալի չէ օգտագործել նաև ալկոհոլ, թունդ թեյ և սուրճ պարունակող ըմպելիքներ: Դրանք բացասական են ազդում նյարդային համակարգի վրա: Իսկ չաղանալ ցանկացողները պետք է հանգիստ կյանք վարեն և իրենց հեռու պահեն ավելորդ ապրումներից:

Անհրաժեշտ է փոխել ապրելակերպը և սնվելու ռեժիմը: Ձեր օգնականը այդ հարցում կարող է լինել մաքուր օդը: Շատ և երկար զբոսնեք: Մաքուր օդը և զբոսանքները ակտիվացնում են օրգանիզմում բոլոր պրոցեսները, այդ թվում նաև լավացնում են ախորժակը:

Քաշն ավելացնել ցանկացողներըի համար շատ կարևոր է պահպանել օրվա ռեժիմը, մասնավորապես վերանայել սնվելու գրաֆիկը: Օրվա ընթացքում անհրաժեշտ է սնվել 5 անգամից ոչ պակաս, ուտելու ժամանակ անհրաժեշտ է սնունդը լավ ծամել: Աշխատեք ձեր ճաշացանկը բազմազան դարձնել: Նույնիսկ ամենասիրելի կերակուրը ամենօր օգտագործելիս հոգնեցնում է:

Եթե հանգամանքները թույլ են տալիս ուտելուց հետո 20-30 րոպե պարկեք, որպիսի ձեր կերածը մարսվի:
Իսկ ո՞ր մթերքներն են օգտակար: Մոռացեք բոլոր ցածր կալորիական մթերքների մասին: Եթե կաթ, ապա յուղայնությունը 3,2 %-ից ոչ պակաս, եթե յոգուրտ՝ ապա սերուցքային, եթե պանիր, ապա յուղալի: Ձեր սննդակարգում անպայման պետք է լինի բրինձ, լոբեղեն, մակարոնեղեն: Մի մոռացեք նաև մրգի և բանջարեղենի, պրոտեինով հարուստ մթերքների մասին, որնց թվում են պանիրը, ձուկը, հավը, ձուն, կարմիր միսը:

Եթե ձեր ցածր քաշի խնդիրը պայմանավորված է ախորժակի բացակայությամբ, ապա անհրաժեշտ կլինի ոգտագործել այն խթանող սննդամթերքներ և միջոցներ: Կանոն դարձրեք ուտել գեղեցիկ սպասքից և յուրաքանչյուր ճաշատեսակ գեղեցիկ զարդարել: Ձևավորված սնունդը լավացնում է ախորժակը:
Լուծելով քաշն ավելացնելու խնդիրը, մի հրապուրվեք, որպիսի հետո ստիպված չլինեք զբաղվել այլ խնդիրով՝ ինչպե՞ս նիհարել: