Ի՞նչ պատիժ է սպասվում Թուրքիային և Ադրբեջանին՝ ՄԻԵԴ-ի միջանկյալ որոշումը չկատարելու դեպքում
Ուշադրության կենտրոնում
Մարդու իրավունքների եվրոպական դատարանը արդեն երկրորդ անգամ բավարարում է ՀՀ կառավարության պահանջը, և այս անգամ արդեն կոչ արեց Թուրքիային զերծ մնալ միջամտություններից: Հիշեցնենք, որ դատարանը սեպտեմբերի 29-ին ևս որոշում էր կայացրել և դիմել Ադրբեջանին:
ՄԻԵԴ հայաստանյան ներկայացուցիչ Եղիշե Կիրակոսյան իր ֆեյսբուքյան էջում անդրադարձել էր խնդրին և կարևորել էր որոշման կատարումը. «Դատարանը վերահաստատում է միջանկյալ միջոց կիրառելու մասին սեպտեմբերի 29-ի որոշումը եւ կոչ անում ուղղակի կամ անուղղակի ներգրավված բոլոր երկրներին, այդ թվում Թուրքիային, զերծ մնալ քաղաքացիական բնակչության՝ Կոնվենցիայով պաշտպանվող իրավունքները խախտելուց»։
Թուրքիայի հանդեպ միջանկյալ միջոցի կիրառմամբ ՄԻԵԴ–ը փաստել է, որ Թուրքիայի ներգրավման առկայությունը փաստ է։ Լրագրողների հետ ճեպազրույցում նման տեսակետ հայտնեց ՄԻԵԴ-ում ՀՀ ներկայացուցիչ Եղիշե Կիրակոսյանը` անդրադառնալով ՀՀ ներկայացրած դիմումի հիման վրա ՄԻԵԴ-ի կայացրած որոշմանը։ «Սա կարևոր քայլ է հետագա անելիքների համար նույնպես, այսինքն` որոշման առկայությունն ինքնին մեծ քայլ է»,–ասաց Կիրակոսյանը։
Թուրքիան և Ադրբեջանն անտեսեցին ՄԻԵԴ-ի որոշումը: Pressmedia.am-ը կապ հաստատց ՀՀ նախկին ՄԻՊ, «Իրավական ուղի» ՀԿ համահիմնադիր Ռուբեն Մելիքյանի հետ, ով ասաց, որ պատերազմական իրավիճակում չենք կարող ակնկալել, որ այն կունենա ազդեցություն ռազմական գործողությունների վրա: «Հատկանշական է, որ մենք գործ ունենք Ադրբեջանի նման պետության հետ, ով որոշման կիրառումից հետո, սկսեց ռմբակոծել Ստեփանակերտը և այս պայմաններում դժվար թե Թուրքիան որևէ մտադրությունից զերծ մնա»:
Այուամենայնիվ, կա ՄԻԵԴ որոշում, որը փաստացի չի կատարվում երկու պետության կողմից: Հետաքրքրվեցինք, թե ինչ այլ հետևանք կարող է ունենալ այս ագրեսոր պետությունների համար: Ռուբեն Մելիքյանը ասում է, որ այն կարող է՝ պետք է ունենա քաղաքական հետևանքներ: Ամենածայրահեղներն էլ կան, սակայն այս պահին կարևորվում է միջազգային կառույցների և տարբեր երկրների ղեկավարների արձագանքը:
Աննա Ավետիսյան
1
2
3
4
5
1
2
3
4
5
2
