Փաշինյանը նոր որոշում է ստորագրել. Սփյուռքի գործերի գլխավոր հանձնակատարի գրասենյակի նպատակները փոխվում են

Նիկոլ Փաշինյանը ՀՀ վարչապետի 2019 թվականի հունիսի 1-ի n 668-լ որոշման մեջ փոփոխություններ եւ լրացում կատարելու մասին որոշում է ստորագրել.

«Ղեկավարվելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 21-րդ հոդվածի 1-ին եւ 2-րդ մասերով, «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածով՝

1. Հայաստանի Հանրապետության վարչապետի 2019 թվականի հունիսի 1-ի «Հայաստանի Հանրապետության վարչապետի աշխատակազմի սփյուռքի գործերի գլխավոր հանձնակատարի գրասենյակի կանոնադրությունը հաստատելու մասին» N 668-Լ որոշման հավելվածում (այսուհետ՝ հավելված) կատարել հետեւյալ փոփոխությունները եւ լրացումը.

1) 10-րդ կետը շարադրել հետեւյալ խմբագրությամբ՝

«10. Գրասենյակի նպատակներն են՝

1) սփյուռքի հետ կապված քաղաքականության ապահովումը.

2) Հայաստանի Հանրապետության եւ հայկական սփյուռքի գործակցության ապահովումը, կապերի ամրապնդումը.

3) Հայաստան-սփյուռք փոխհարաբերությունների զարգացմանը, հայրենադարձության եւ սփյուռքի հետ տարվող աշխատանքների միասնականության ապահովմանն ուղղված՝ հանձնակատարի կողմից իրականացվող աշխատանքներին աջակցությունը:».

2) 11-րդ կետում՝

ա. 1-ին եւ 2-րդ ենթակետերը շարադրել հետեւյալ խմբագրությամբ՝

«1) սփյուռքի ներուժի թիրախային գնահատումը եւ գործիքակազմի մշակումը, համահայկական ցանցի ստեղծումը, գիտական, մասնագիտական հմտությունների եւ փորձի գնահատման ու դասակարգման նպատակով քարտեզագրումը, ինչպես նաեւ սփյուռքի կառույցների հետ համահայկական օրակարգի ձեւավորումը.

2) Հայաստան-սփյուռք գործակցության, այդ թվում՝ հայրենադարձության ոլորտում ռազմավարական նախաձեռնությունների, ինչպես նաեւ առաջարկությունների մշակումը եւ Հայաստանի Հանրապետության վարչապետին ներկայացնելը.»,

բ. 4-րդ ենթակետը շարադրել հետեւյալ խմբագրությամբ՝

«4) Հայաստան-սփյուռք արդյունավետ գործակցության կառուցակարգի մշակումը եւ զարգացումը, սփյուռքի հայ համայնքների զարգացման համար բարենպաստ միջավայրի ձեւավորումն ու զարգացումը:»,

գ. ուժը կորցրած ճանաչել 5-րդ եւ 6-րդ ենթակետերը,

3) 12-րդ կետում՝

ա. 1-ին ենթակետը շարադրել հետեւյալ խմբագրությամբ՝

«1) մշակում է Հայաստան-սփյուռք գործակցության ռազմավարություններ, իսկ առանձին բնագավառներում՝ Հայաստան-սփյուռք գործակցության ռազմավարական ուղղություններ եւ համապատասխան առաջարկություններ ներկայացնում հանձնակատարին.»,

բ. 2-րդ ենթակետը «նախագծերը» բառից հետո լրացնել «եւ ռազմավարական նախաձեռնությունները» բառերով,

գ. 3-րդ ենթակետը շարադրել հետեւյալ խմբագրությամբ՝

«3) իրականացնում է Հայաստան-սփյուռք գործակցության զարգացմանն ուղղված ծրագրերը եւ առաջարկություններ ներկայացնում հանձնակատարին տարբեր ոլորտներում համահայկական ցանցերի եւ կառույցների ստեղծման ու զարգացման ուղղությամբ.»,

դ. 4-րդ ենթակետի «բ» պարբերությունը շարադրել հետեւյալ խմբագրությամբ՝

«բ. սփյուռքի համայնքային կյանքի զարգացման, ազգային ինքնության պահպանման եւ համահայկական խնդիրների լուծման գործում համահայկական կառույցների դերակատարության բարձրացման ուղղությամբ.»,

ե. ուժը կորցրած ճանաչել 4-րդ ենթակետի «գ» եւ «դ» պարբերությունները,

զ. 7-րդ ենթակետը շարադրել հետեւյալ խմբագրությամբ՝

«7) սփյուռքի ներուժի թիրախային օգտագործման նպատակով՝ ըստ տարածաշրջանների չափագրում եւ քարտեզագրում է սփյուռքի ներուժը բոլոր ոլորտներում, ինչպես նաեւ աջակցում է սփյուռքի ներուժի ներգրավմանը Հայաստանի Հանրապետության տնտեսությունում.»,

է. 8-րդ ենթակետում «համախմբում է գիտական, մասնագիտական, կրթամշակութային, տնտեսական ներուժի» բառերը փոխարինել «համախմբում է սփյուռքի ներուժի» բառերով:

2. Հայաստանի Հանրապետության վարչապետի աշխատակազմի սփյուռքի գործերի գլխավոր հանձնակատարի գրասենյակի (այսուհետ՝ գրասենյակ) կառուցվածքում՝

1) դադարեցնել Եվրոպայի հայ համայնքների վարչության, Ամերիկայի հայ համայնքների վարչության, ԱՊՀ հայ համայնքների վարչության, Մերձավոր եւ Միջին Արեւելքի հայ համայնքների վարչության, Մերձավոր սփյուռքի հետ կապերի վարչության, հայրենադարձության եւ հետազոտությունների վարչության, համահայկական, միջազգային եւ եկեղեցական կառույցների հետ կապերի վարչության գործունեությունը.

2) ստեղծել օրենսդրական նախաձեռնությունների եւ ռազմավարությունների մշակման վարչություն.

3) սփյուռքի ներուժի հաշվառման եւ տեղեկատվական վերլուծությունների վարչությունը եւ սփյուռքում տեղեկատվական ռազմավարության մշակման եւ իրականացման վարչությունը միաձուլել՝ ստեղծելով սփյուռքի ներուժի քարտեզագրման եւ ներգրավման վարչություն.

4) համահայկական ծրագրերի վարչությունն անվանափոխել ծրագրերի իրականացման եւ մշտադիտարկման վարչության:

3. Այդ կապակցությամբ հավելվածի 23-րդ կետը շարադրել հետեւյալ խմբագրությամբ՝

«23. Գրասենյակի հիմնական մասնագիտական կառուցվածքային ստորաբաժանումներն են՝

1) սփյուռքի ներուժի քարտեզագրման եւ ներգրավման վարչությունը.

2) ծրագրերի իրականացման եւ մշտադիտարկման վարչությունը.

3) օրենսդրական նախաձեռնությունների եւ ռազմավարությունների մշակման վարչությունը»,-ասված է որոշման մեջ:

Պարետը նոր որոշում է ստորագրել Հայաստանում վերջին մեկ օրվա ընթացքում կորոնավիրուսից մահացածների ու վարակակիրների թիվը Կորոնավիրուսի ևս մեկ ախտանիշ է ի հայտ եկել․ Մաշկի վրա հայտնվում է․․․ Անգամ եկեղեցում լինելու հանգամանքը չի զսպել հարազատների ողբը. դերասան ամուսինները սարսափելի վիճակում են. Տեսանյութ, ՖՈՏՈ Սպան պառկեցրել է 3 զինվորի և քայլել է նրանց վրայով՝ քուն հրամանից հետո սենյակում հաց ուտելու համար Միանգամից 4 դի` մեկ օրում և մեկ ընտանիքից. դերասանների դստեր ընտանիքի հոգեհանգիստն է. ՖՈՏՈ Արտակարգ դեպք Հայաստանում․15 մարդ տեղափոխվել է հիվանդանոց․ կան նաև երեխաներ Մինչև 1,5 միլիոն դրամ նոր տուգանքներ են սահմանվել Արմեն Մարությանի և Ալլա Վարդանյանի ընտանիքի արխիվային տեսանյութը՝ ողբերգական վթարից տարիներ առաջ. տեսանյութ Ես սպասում եմ առաջին զոհերին, որ հետո քո հետ խոսեմ. Արսեն Թորոսյան Կորոնավիրուսից մահացածների ու վարակակիրների թիվը՝ այսօրվա դրությամբ 3 նշան, որը փաստում է, որ արդեն վարակվել եք կորոնավիրուսով և բուժվել․ Եղել եք ասիմպտոն Պաշտպանության նախարարությունը հաղորդագրություն է տարածել ԱԻՆ-ը՝ գիշերը տեղի ունեցած երկրաշարժի մասին Ինչո՞ւ են փոխել վարչապետի դստեր մեքենայի համարները
Ամենաընթերցված
Առկա են բոլոր կասկածները հարցականի տակ դնելու Չինա... Հայաստանում կորոնավիրուսի դեմ պայքարում թույլ են տ... Երրորդ նախագահի լռության խախտումը կարելի է կապել Փ... Բաց տարածքում դիմակ չկրելու համար արձանագրված ԲՈԼՈ... "Չտես փրկիչն" ու Արժեք ստեղծողը «Նման վախկոտ ղեկավար Հայաստանը երբեք չի ունեցել».Ա... Ռոբերտ Քոչարյանն իրեն դրսևորեց որպես պետական գործի... Ամուր պետության հիմքում ամուր ու ազգային հենք ունե... Աշխատեք փողոցում կամ հանրային որևէ վայրում չհանդիպ... Ուղղակի զարմացած եմ, որ մարդիկ ըմբոստանում եմ ՍԴ դ... Հայկական կողմի պատասխան կրակով հակառակորդը լռեցվել... Թուրքիան ու Ադրբեջանը Հայաստանի դեմ հարձակում են ն... Գիշերը շփման գծում հարաբերական անդորր է եղել. ՊՆ խ... «Ալիևի գործերը հեչ լավ չեն, չգիտի զորքը մայրաքաղաք... Ինչ վնասներ է հասցրել հակառակորդը Տավուշի մարզի բն... Կոչեր անելու փոխարեն գործ անենք ամեն մեկս մեր տեղո... ԲՀԿ նախագահ Գագիկ Ծառուկյանը հեռախոսազրույց է ունե... ԿԳՄՍ նախարարը հայտնել է իրականացված մի շարք աշխատա... Քիչ առաջ միջազգային կառույցներին ուղարկեցինք գնդակ... Ամրացնենք մեր սահմանները նորովի. Նիկոլ Փաշինյան
website by Sargssyan