Աբսուրդային է, որ երդմնակալության ժամանակ Փաշինյանը շեշտը դնում է Արցախի նորընտիր իշխանությունների՝ իրեն լոյալ լինելու վրա. Աննա Կարապետյան (տեսանյութ)

Աբսուրդային է, որ Արցախի նախագահի երդմնակալության ժամանակ ՀՀ վարչապետ Նիկոլ Փաշինյանը փորձում է շեշտել Արցախի նորընտիր իշխանությունների՝ իրեն լոյալ լինելը: Այս մասին «Առավոտյան լուրեր Լիլիթ Թումանյանի հետ» հաղորդման «Երկրագունդ» խորագրի ներքո ասել է «Հայացք» վերլուծական կենտրոնի տնօրեն Աննա Կարապետյանը:

«Արցախի նախագահի երդմնակալության արարողության ժամանակ Հայաստանի վարչապետը ոչ թե փորձում է բարձրացնել Արցախի սուբյեկտայնությունը, ընդգծել դրա կարևորությունը, Արցախի կայացվածությունը՝ որպես պետություն, տեղի ունեցող գործընթացների ժողովրդավարական բնույթը, այլ շեշտը դնում է հեղափոխության վրա և փորձում է ընդգծել Արցախի իշխանությունների լոյալությունն իրեն»,- ասել է նա:

«Ինչ իշխանություն էլ ընտրվեր Արցախում, Հայաստանի իշխանություններն ստիպված էին լինելու համագործակցել նրանց հետ, այլ հարց է, թե ինչ բնույթ կունենար այդ համագործակցությունը»,- ավելացրել է նա:

«Հայաստանի իշխանությունները պետք է գիտակցեն, որ այսպիսի մոտեցումը մեր շահերից չի բխում՝ շեշտը դնել լոյալության վրա: Հայաստանն ու Արցախը պետք է համագործակցեն, բայց չպետք է լինեն միակարծիք»,- ընդգծել է փորձագետը:

Ըստ նրա՝ կարևոր է, որ միջազգային հանրության մոտ տպավորություն չստեղծվի, որ Հայաստանի և Արցախի իշխանությունների միջև կա ուղղահայաց ենթակայություն: «Պետք է լինի գիտակցում, որ Հայաստանի իշխանությունը չի կարող պարտադրել մի բան, որն Արցախի իշխանության համար ցանկալի չէ»,- նշել է նա:

Խոսելով երդմնակալության տեքստում Արայիկ Հարությունյանի կողմից «Արցախը Հայաստան է և վերջ» ձևակերպման շեշտադրման մասին՝ Կարապետյանն ասել է. «Արցախի նորընտիր նախագահն իր արտաքին քաղաքականությունը պետք է կառուցի ոչ թե «Արցախը Հայաստան է և վերջ» ձևակերպման ներքո, այլ հակառակը՝ Արցախի անկախության ճանաչման, Արցախի արտաքին կապերի զարգացման, ինքնիշխանության ընդգծման վրա շեշտը դնի՝ ցույց տալով, որ Արցախը միայն ինքը կարող է իր անունից խոսել»:

Անդրադարձ է կատարվել նաև նախօրեին Հայաստանում ԱՄՆ դեսպան Լին Թրեյսիի հայտարարությանն այն մասին, որ ԱՄՆ ֆինանսական միջոցներն ուղղվելու են հանրություններին խաղաղության պատրաստելուն: «Խաղաղության պատրաստելը հակամարտության առկայության պարագայում վատ երևույթ չէ, հասկանալի է, որ բոլորը ցանկանում են խաղաղություն և պետք է պատրաստվեն խաղաղության»,- ասել է Կարապետյանը:

«Երբ հակամարտության կողմերից մեկն անդադար սպառնում է պատերազմով (երկու օր առաջ Ադրբեջանի ԱԳՆ-ն հայտարարություն տարածեց, որ պատերազմն ավարտված չէ, և համոզված եղեք` մենք վերջ ենք տալու «օկուպացիային» - հեղ.), այս պարագայում ի՞նչ խաղաղության պատրաստելու մասին է խոսքը և ինչպե՞ս կարելի է պատրաստել խաղաղության Ադրբեջանի հասարակությանը: Իսկ եթե Ադրբեջանի հասարակությանը չես պատրաստում խաղաղության, ուրեմն ինչպե՞ս և ինչի՞ համար ես պատրաստում խաղաղության Հայաստանի և Արցախի հասարակություններին»,- նշել է «Հայացք» վերլուծական կենտրոնի տնօրենը:

Մանրամասները՝ տեսանյութում: 

Արա Վարդանյանն սկսում է «unfollowNikol» արշավը Հիմնանորոգվում է Երևանից դեպի Ստեփանակերտ ճանապարհի ամենավտանգավոր հատվածը. Գեղարքունիքի մարզպետ «Ամերիկյան ոստիկանությունը վախ է ներշնչում մարդկանց»․ Մոնսոն ՌԴ-ում գրանցվել է ևս մեկ դեղամիջոց, որը կօգտագործվի կորոնավիրուսի ծանր դեպքերի բուժման համար Գեղարքունիքի մարզում կորոնավիրուսի նոր մեծ օջախ է ավելացել (տեսանյութ) «Էրեբունի» ԲԿ-ում գումարի դիմաց կատարվում է COVID19-ի հակամարմինների և իմունոգլոբուլինի որոշում արյան մեջ Այլևս լռել չեմ կարող․Լիանա Անթառանյան Պարետի որոշմամբ՝ 72 ժամով արգելվել է «Վիլլա Հիլս» ռեստորանի գործունեությունը Թշնամիների հետ պայմանավորվողը․ երկիրը դժոխքի վերածած անսկզբունք ապիկարը ՊԵԿ-ը հերքում է ծխախոտի նոր խմբաքանակի մասին լուրը Վորոնեժում կալանվել է հայկական մաքսանենգ ծխախոտով հերթական օդանավը․ «Վեստի Վորոնեժ» Հայտարարվել են դպրոցների կառուցման աշխատանքների մրցույթները․ Արայիկ Հարությունյան Սերժ Սարգսյանը փակ հանդիպում է ունեցել նախկին վեց մարզպետների հետ Այսօր կկայանա «դարի հանդիպումը» Ինձ համար չկա «ժողովուրդ» բառ, այլ կա «Հայ ժողովուրդ» կատեգորիա.Վլադիմիր Մարտիրոսյան
Ամենաընթերցված
Արա Վարդանյանն սկսում է «unfollowNikol» արշավը Այլևս լռել չեմ կարող․Լիանա Անթառանյան Ինձ համար չկա «ժողովուրդ» բառ, այլ կա «Հայ ժողովու... Տեղի ունեցող գործընթացները երկիրը աստիճանաբար կարո... Հետաքրքիր էվոլյուցիա ապրեցին երկու տարի առաջ ժողով... ԱՄՆ դեսպանը բացահայտեց վարչապետի հերթական կեղծիքը.... Համախմբվե՛նք, միավորե՛նք մեր ուժերը հանուն մեր եր... «Գլորիա» կարի ֆաբրիկայի 135 աշխատակից է վարակվել կ... Հերթական չճշտված ինֆորմացիան՝ Փաշինյանի էջում Վարչապետը հրապարակել է «օրինապահ երեխաների» լուսան... Իշխանության հեղինակությունն ու նրա նկատմամբ վստահո... «Տղաներ և աղջիկներ, ձեր գնացքը դեռ չեկած գնացել է.... «Ձեզ, իհարկե, շատ բան չի սպառնում, իսկ ձեր տատիկ-պ... Հայաստանում իշխանությունն իր բուն գործը թողած՝ սկս... Որոնք են Հայաստանին ավիացիոն «սև ցուցակ» գցելու որ... Հերթական աննախադեպը՝ Նիկոլ Փաշինյանի շնորհիվ. Արմե... Կողմնապահություն նախկին փորձառու կադրերի նկատմամբ.... «Պատկերացրեք՝ երդմնակալության խնջույքին վարչապետը ... Սուրբ Գրիգոր Լուսավորիչ ԲԿ-ում եմ․ հանդիպեցի կովիդ... Lավ կլիներ, եթե այս «քայլող մարդը» մտածեր պետությա...
website by Sargssyan