Դավիթ Յուրչենկո. Ինձ համար մեծ պատիվ է հանդես գալ Հայաստանի հավաքականի կազմում (ֆոտո)

Այս տարվա փետրվարին Հայաստանի ֆուտբոլի ֆեդերացիան հայտարարեց, որ Կարագանդայի «Շախտյորի» դարպասապահ Դավիթ Յուրչենկոն կմիանա Հայաստանի հավաքականին:

NEWS.am Sport-ի թղթակցի հետ բացառիկ հարցազրույցում փորձառու դարպասապահը, որն օրեր առաջ նշեց ծննդյան 34-րդ տարեդարձը, պատմել է Ռուսաստանից Ղազախստան տեղափոխվելու որոշման, կորոնավիրուսի պայմաններում վնասվածքից ապաքինվելու ընթացքի, Հայաստանի հավաքականում իր նպատակների, Ռոման Բերեզովսկու հետ աշխատելու ցանկության և երկրպագուների աջակցության մասին:

Դավիթ, քո կարիերայի գրեթե ամբողջ ընթացքում դու հանդես ես եկել Ռուսաստանի առաջնությունում: Ինչպե՞ս ստացվեց քո տեղափոխությունը Ղազախստան:

Բարև Ձեզ (Յուրչենկոն ողջունեց մեզ հայերեն` խմբ): Ես բավականին երկար ժամանակ հանդես եմ եկել Ռուսաստանում, սակայն եկել էր փոփոխություն կատարելու պահը: Որոշ ժամանակ դադար վերցրեցի, ավելի շատ ժամանակ սկսեցի անցկացնել ընտանիքիս հետ, քանի որ կինս հղի էր:

Հունվարին հնարավորություն ունեցա տեղափոխվել Կարագանդայի «Շախտյոր» և որոշեցի ընդունել այդ մարտահրավերը, ինչի համար շատ ուրախ եմ: Ցանկանում եմ ինձ համար նոր առաջնությունում պատմություն կերտել նոր թիմիս հետ:

Քո պաշտոնական նորամուտը Կարագանդայի «Շախտյորի» կազմում հետաձգվեց վնասվածքի պատճառով: Արդեն ապաքինվե՞լ ես վնասվածքից և ինչպե՞ս ես մարզավիճակդ պահպանում կորոնավիրուսով պայմանավորված դադարի պայմաններում:

Ցավոք, դեռ նորամուտս չեմ նշել «Շախտյորի» կազմում: Ուսումնամարզական հավաքի վերջին խաղի ընթացքում ցավեր զգացի և այդ պատճառով չկարողացա օգնել թիմին առաջնության մեկնարկային խաղերում:

Աստիճանաբար ապաքինվում եմ: Անհատական ծրագրով մարզվում եմ մարզասրահում: Կորոնավիրուսի պանդեմիայի պատճառով հնարավորություն չունեմ մարզվել խոտածածկի վրա, սակայն մարզասրահում վարժություններ կատարում եմ նաև գնդակով:

Վերջին տարիներին երկրպագուները սպասում էին քեզ Հայաստանի հավաքականում, սակայն միայն 1 ամիս առաջ ընդունեցիր հավաքականի հրավերը: Կխնդրեմ մանրամասն ներկայացնես Ռուսաստանում հանդես գալու ընթացքում Հայաստանի հավաքականին մերժելու պատճառները և, ի վերջո, ազգային թիմի հրավերն ընդունելու որոշումը:

Ես երբեք չեմ հրաժարվել հանդես գալ Հայաստանի հավաքականի կազմում, թեև մի շարք օբյեկտիվ և սուբյեկտիվ պատճառներ ինձ խանգարում էին միանալ ազգային թիմին: Գլխավոր պատճառներից մեկն այն էր, որ Ռուսաստանի առաջնությունում ես կհամարվեի լեգեոներ, իսկ այնտեղ լեգեոներ-դարպասապահների համար շատ դժվար է ակումբ գտնելը:

Փառք Աստծո, հայ ֆուտբոլիստներն այլևս լեգեոներ չեն համարվելու ԵԱՏՄ անդամ երկրներում, և դա ինձ հնարավորություն տվեց միանալ հավաքականին: Մեծ ցանկություն ունեմ արժանանալ Հայաստանի հավաքականի երկրպագուների սիրուն և հարգանքին: Ամեն ինչ կանեմ դրա համար:

Հայաստանի հավաքականի հետ կապված ի՞նչ նպատակներ ունես:

Առաջնային նպատակս Հայաստանի հավաքականի կազմում իմ մշտական տեղն ունենալն է, թեեւ հավաքականում կան նաև այլ բարձրակարգ դարպասապահներ: Ցանկանում եմ իմ խաղով օգտակար լինել Հայաստանին և ազգային հավաքականին: Չեմ համբերում, թե երբ եմ դառնալու մեծ ընտանիքի մի մասնիկը: Հայաստանի հավաքականում հանդես գալը մեծ պատիվ է ինձ համար:

Վերջերս Հայաստանի հավաքականի գլխավոր մարզիչի պաշտոնում նշանակվեց իսպանացի մասնագետ Խոակին Կապարոսը: Ի՞նչ սպասելիքներ ունես «Սևիլիայի» նախկին մարզիչի հետ աշխատանքից:

Խոակին Կապարոսի նշանակումը մեծ քայլ է հավաքականի խաղի որակը բարելավելու և հայկական ֆուտբոլի զարգացման համար: Նրանից օրինակ կվերցնեն բոլորը, նույնիսկ երիտասարդական թիմերի մարզիչները: Ուրախ կլինեմ աշխատել նման բարձրակարգ մասնագետի հետ և ծանոթանալ իսպանական մտածելակերպին ու ֆուտբոլային փիլիսոփայությանը:

Օրերս նշեցիր ծննդյանդ 34-րդ տարեդարձը, ինչի առթիվ շնորհավորում ենք քեզ: Հայաստանի հավաքականի լեգենդար դարպասապահ Ռոման Բերեզովսկին մինչև 42 տարեկանը պաշտպանում էր հավաքականի դարպասը: Պատրա՞ստ ես կրկնել Բերեզովսկու ցուցանիշը:

Շնորհակալ եմ շնորհավորանքի համար: Կարծում եմ, որ տարիքը միայն թիվ է: Կարևորն այն է, թե ինչպիսի ֆիզիկական վիճակում է գտնվում ֆուտբոլիստը և ինչ խաղ է ցուցադրում խաղադաշտում: Ամեն մարզումից և հանդիպումից հետո ավելի փորձառու եմ դառնում:

Ռոման Բերեզովսկին, անկասկած, Հայաստանի հավաքականի իսկական լեգենդն է: Պատիվ եմ ունեցել ծանոթանալ նրա հետ, երբ դեռ 16 տարեկան էի, իսկ Բերեզովսկին այդ ժամանակ խաղում էր «Խիմկիում»:

Շատ դժվար կլինի կրկնել Ռոման Անատոլիևիչի արդյունքը, սակայն նրա օգնությամբ և խորհուրդներով, կարծում եմ, կկարողանամ դառնալ այն դարպասապահը, որը պետք է հավաքականին:

Կցանկանա՞ս դիմել Հայաստանի հավաքականի երկրպագուներին: 

Իհարկե: Ցանկանում եմ շնորհակալություն հայտնել մեր երկրպագուներին աջակցության համար, յուրաքանչյուր երկրպագուին անհատապես: Ֆեյսբուքով և Ինստագրամով շատ հաղորդագրություններ եմ ստացել այն երկրպագուներից, որոնք ցանկանում են ինձ տեսնել հավաքականում: Ձեր աջակցությունը շատ կարևոր է մեզ համար ինչպես ստադիոնում, այնպես էլ դրա սահմաններից դուրս: Անհամբերությամբ սպասում եմ երկրպագուների հետ շփմանն արդեն որպես Հայաստանի հավաքականի ֆուտբոլիստ:

Շնորհակալություն հարցազրույցի համար: Հաջողություն ենք մաղթում ակումբի և հավաքականի կազմում:

Ձեզ նույնպես շնորհակալություն:

Սամվել Սուքիասյան 

Իշխանության գալու օրվանից զբաղված են քաղաքացիներից ավել գումար գանձելու ճանապարհներ գտնելու գործով․ Էդմոն Մարուքյան Ռուսաստանը կվերականգնի այլ երկրների հետ օդային հաղորդակցությունը երկու փուլով Ճանապարհային ոստիկանությունը հայտարարություն է տարածել Էրդողանը ստորագրեց Սուրբ Սոֆիան մզկիթ դարձնելու որոշումը Նանսենի անվան երեխաների խնամքի կենտրոնի 10 սաների ու 5 աշխատակիցների մոտ կորոնավիրուս է հայտնաբերվել Գերմանիան բուժաշխատողների խումբ է գործուղում Հայաստան Պետք է հենց այդպես. Նիկոլ Փաշինյանի եւ Սերժ Սարգսյանի զուգահեռը Նախագահ Արմեն Սարգսյանը հանդիպել է Բակո Սահակյանի հետ ՀՀ Գլխավոր դատախազի տեղակալն ազատվել է աշխատանքից ՀԿ նախագահ. մսամթերքի որոշ տեսակների գները զգալիորեն աճել են Կանգնած ուղևորներին իջեցնում են երթուղային տրանսպորտից Սյունիքում մեկնարկում է 3 խոշոր բնակավայրերի գազիֆիկացումը. 500 տնտեսություն գազ կունենա Թուրքիան գաղտնի համաձայնագիր է ստորագրել օտարերկրյա պետություններից դիսիդենտների առեւանգման վերաբերյալ «Հանրակրթության չափորոշիչներում խնդրահարույց եւ ռիսկային ձեւակերպումներ կան». ՀՅԴ ՀԵՄ-ի հայտարարությունը Էներգիայի միջազգային գործակալությունը բարձրացնում է 2020 թվականի նավթի պահանջարկի կանխատեսումը
Ամենաընթերցված
ԿԳՄՍ նախարարը ներկայացրել է՝ ի՞նչ պետք է անեն աշակ... ՍԴ-ի նկատմամբ իշխանությունների «պյուռոսյան հաղթանա... Այսօր Նիկոլի ռեժիմը «պատերազմ» է հայտարարել ազգայի... Կեղծիքների տոնը «Հայոց Եկեղեցու պատմություն» առարկան վտանգված է․ Ա... Գտնում ենք, որ Գույքահարկի մասին օրենքի թեման պետք... Դուք ցինիկ եք ու տխմար, պարոն Թորոսյան, դուք աղետ ... ԲՀԿ նախագահ Գագիկ Ծառուկյանի հայտարարությունը Քրեական գործի հարուցման պատճառ դարձել են ոչ թե իրա... «Փաշինյանի կորոնավիրուսային ցինիզմը և դեմագոգիան» ... Պարզվեց, թե ո՞վ է վճարելու սահմանի վրա թանկացած գա... Հայաստանում չկա իրական հակակոռուպցիոն պայքար. Արմե... Կառավարությունը գիտակցում է լոքդաունի անհրաժեշտութ... Միքայել Մինասյանը Ռուսաստանու՞մ է. քննարկում՝ համա... Անկախ պետականության կազմաքանդման հետհաշվարկը սկսվա... Հունիսի 26-ը նշվում է որպես ռազմաավիացիոն ուժերի օ... Մոտենում է տնտեսական լուրջ ու երկարատև ճգնաժամ. Զո... Երևանի քաղաքապետի մամուլի խոսնակը «Լույս» խմբակցու... Չեմ ուզում ունենալ ոչ միայն Սերժի կամ Քոչարյանի, ա... Պաշտոնանկ կարվեն ՍԴ-ի հնաբնակները. Հրայր Թովմասյան...
website by Sargssyan