Առողջապահության նախարարի «բեսպրեդել» հայտարարությունը

Մինչ բուն հարցին անցնելն, ուզում եմ արձանագրել իմ՝ «Միշիկ-Սաշիկ»-ների հետ բացառապես որևէ կապ չունենալու հանգամանքը, ավելին՝ տեսնում եմ ոչ հեռավոր ապագայում նրանցից յուրաքանչյուրի արժանի, սակայն օրենքով ապացուցված և բացառապես օրինական պատժի տեսլականը։

Կրկին պնդում եմ, որ ասվածս ամենևին չի նշանակում, որ չպետք է բացահայտվեն կամ պատժվեն «Սուրբ Գրիգոր Լուսավորիչ» ԲԿ-ի նախկին տնօրեն Արա Մինասյանի հնարավոր կոռուպցիոն գործողությունները, բայց դա չի ենթադրում, որ կառավարության անդամը պետք է ուղիղ հեռարձակմամբ՝ այն էլ հայտարարված արտակարգ իրավիճակի պայմաններում, բարձրացնի կամ քննարկի իրենից հերքում պահանջող դատական ակտի իրավաչափության կամ ոչ իրավաչափության հարցը, երբ բոլորին այդ պահին հուզում է ոչ թե Վճռաբեկ դատարանի կողմից կայացված ակտի էությունն ու բովանդակությունը, այլ ստեղծված տագնապի և դրա հնարավոր հանգուցալուծմանը վերաբերող հարցերը։ Սակայն սա չարյաց փոքրագույնն է, իսկ ամենաուշագրավն այն է, երբ Արսեն Թորոսյանը սեփական կամ անձնական տիրույթում ունեցած խնդիրը, այն էլ՝ չհիմնավորված գնահատականներով, հրամցնում է շոկի ենթարկված ժողովրդին ու դարձյալ՝ կապելով այն մարդկանց մեծամասնության կարծիքի հետ։

Այո, ոչ ոք չի ժխտում դատական համակարգի մի մասի կամ որոշ դատավորների նկատմամբ ժողովրդի կամ նրա մի մասի ունեցած վստահության բացակայության փաստը, սակայն դա իրավունք չի վերապահում մեծամեծ պաշտոնյային նման հայտարարություներ անել։ Երեկ Թորոսյանը ֆեյսբուքյան ուղիղ եթերում հայտարարեց, որ չի վստահում դատական համակարգին, ինչպես որ չի վստահում դրան ժողովրդի մեծ մասը։ Բոլորիս հայտնի է այն փաստը, որ ՀՀ Վճռաբեկ դատարանը հօգուտ Արա Մինասյանի կայացրել է դատական ակտ՝ Արսեն Թորոսյանին պարտավորեցնելով հերքել զրպարտություն պարունակող տեղեկությունը։ Չմանրամասնենք դատավարական ընթացակարգն ու ակտի բուն բովանդակությունը, սակայն ունենք մի անհերքելի փաստ, որ այն ստացել է օրինական ուժ։ Դարձյալ ստիպված եմ հիշեցնել իրավական Հայաստանի իրավունքը «սիրող» և «հարգող» «հպարտներին», որ օրինական ուժի մեջ մտած դատական ակտերը, ինչպես նաև դատարանի պահանջները կատարման համար պարտադի՛ր են և ենթակա են կատարման Հայաստանի Հանրապետության ողջ տարածքում։

Դատական ակտի և դատարանի պահանջների չկատարումը հանգեցնում է օրենքով նախատեսված պատասխանատվության և եթե հավատանք, որ նոր Հայաստանը իրավական պետություն է, ապա ամրագրված օրենքները պետք է գործեն և պատժվեն բոլոր նրանք, ովքեր այն խախտել են՝ անկախ իրենց ունեցած կարգավիճակից։ Մի՞թե թույլատրելի է նման հայտարարություն անելը մի պաշտոնյայի կողմից, որին այս ճգնաժամային օրերին վստահված է մի ամբողջ ժողովրդի առողջություն։ Պատասխանը միանշանակ է և որևէ այլ քաղաքակիրթ երկրում նման բեսպրեդել հայտարարությունը կավարտվեր դրա հեղինակի պաշտոնանկությամբ։

Լիլիթ Սիլանյան «Դեմոկրատական այլընտրանք» կուսակցության նախաձեռնող խմբի անդամ, իրավաբան

Ժամանակավորապես դադարեցվել է Արցախի եւ Հայաստանի միջեւ մի քանի երթուղիների սպասարկումը Հայտնի է ջերմաստիճանը, որի ժամանակ ակտիվանում է կորոնավիրուսը. MedRxiv Սպասվում է կարճատև անձրև և ամպրոպ. առաջիկա 5 օրերի եղանակի կանխատեսում «Բարգավաճ Հայաստան» խմբակցության հրատապ առաջարկները «Հիվանդությունների վերահսկման և կանխարգելման ազգային կենտրոն»-ի 14 աշխատակից վարակվել է կորոնավիրուսով․ ԱՆ Ընտրությունները չհետաձգելու որոշման հետևանքների պատասխանատվությունը նախագահի եւ խորհրդարանի վրա է․Վիտալի Բալասանյան Տիգրանը հոգեպես ընկճված է, չի խոսում, հայհոյել են նրա կնոջը, մորը. փաստաբանը մանրամասներ է հայտնում Երևան-Սևան ավտոճանապարհին գլխիվայր շրջված մեքենայի վարորդը մահացել է (ֆոտո) Քաղավիացիայի կոմիտեի հայտարարությունը մարտի 29-ի չվերթների վերաբերյալ Ցնցված եմ․ Փաշինյանը ցավակցել է Դեւեջյանի մահվան կապակցությամբ Պարետը վեց ժամով արգելել է Երևանում և մարզերում մի շարք սուպերմարկետների գործունեությունը ԱՄՆ իշխանությունները կոչ են արել Նյու Յորքի բնակիչներին խուսափել ոչ պարտադիր ուղեւորություններից․ Associated Press 3 մահ և բազմաթիվ հեռախոսազրույցներ, գլոբալ մարտահրավերներ և լոկալ անլրջություն․ Անդրանիկ Թևանյան Ռոբերտ Քոչարյանի ուղերձ է հղել Արցախի Հանրապետության ժողովրդին «Յուվենտուսի» խաղացողները 4 ամիս աշխատավարձ չեն ստանա
Ամենաընթերցված
Ժամանակավորապես դադարեցվել է Արցախի եւ Հայաստանի մ... «Հիվանդությունների վերահսկման և կանխարգելման ազգայ... Ցնցված եմ․ Փաշինյանը ցավակցել է Դեւեջյանի մահվան կ... 3 մահ և բազմաթիվ հեռախոսազրույցներ, գլոբալ մարտահր... Նորքի ինֆեկցիոն հիվանդանոցում երկու մահ ունեցանք. ... Մի ամբողջ սերունդ անցնում է, ու էս այլանդակ վարակը... Մեկուսացված զինծառայողները հայտնել են իրենց համաձա... Հայաստանի պատմության համար աննախադեպ բան է տեղի ու... Պանդեմիան շոուների, պոպուլիզմի, սեփական ես-ը մարդկ... Որ հյուրանոցում են ինքնամեկուսանալու «Նորք» ԻՀԿ-ի ... Միասնականության և գլոբալ մոտեցումների շնորհիվ է մի... Սոցիալական պետությանը բնորոշ՝ Ծառուկյանի կողմից մա... Նոր մեկուսարանը մարտի 25-ից պատրաստ կլինի․ Արմեն Մ... Վարկառուների վերաբերյալ Գ.Ծառուկյանի առաջարկած գլո... Հիմա միմյանց վրա քարեր նետելու ժամանակը չէ․ Էդուար... Վանաձորում չեն աշխատելու թեթև արդյունաբերության հի... Սեփական վախերի և անվստահության բեռը զանգվածային լր... Ձեռնպահ մնացեք ՊՆ-ի անունից կամ նախարարության համա... Որ առևտրի կենտրոնները կշարունակեն աշխատել «Վերին Լարսի անցակետում գտնվող 140 ՀՀ քաղաքացիները...
website by Sargssyan