«Եղունգ ունեք, գլուխ­ներդ քո­րեք». հան­րա­յին տրա­մադ­րու­թյուն­նե­րի փո­փո­խու­թյունն ակն­հայտ է. «Փաստ»

«Փաստ» օրաթերթը գրում է

Նիկոլ Փաշինյանը, գտնվելով արձակուրդում, հանրաքվեի քարոզչության շրջանակներում հանդիպումներ է ունենում տարբեր բնակավայրերի բնակիչների հետ՝ սկսելով Սյունիքի մարզից։ Այս առնչությամբ քննադատություններ են հնչում, որ ավելի նախընտրելի կլիներ, որ Փաշինյանն զբաղվեր իր պաշտոնեական պարտականություններով, քանի որ բազմաթիվ հրատապ խնդիրներ կան կուտակված։

Ներկայիս իրավիճակում, երբ կորոնավիրուսի տարածումը խնդիրներ է ստեղծում աշխարհի տարբեր երկրներում, դրանով պայմանավորված հատուկ միջոցառումներ են ձեռնարկվում, և տնտեսական լուրջ պրոբլեմներ են ի հայտ եկել ողջ աշխարհում, երկրի ղեկավարը պետք է իր ողջ ջանքերը ներդնի, որպեսզի Հայաստանը կարողանա նվազագույն կորուստներով դուրս գալ տեղի ունեցող այս գործընթացներից։

Սակայն Փաշինյանը քաղաքացիների հետ անմիջական շփումներով մի քանի խնդիր է լուծում։ Նախ և առաջ՝ վերջինս փորձում է հանրությանը ցույց տալ, որ երկրում իրավիճակը և մանավանդ տնտեսական իրադրությունը գտնվում է իր վերահսկողության տակ, և նրանք կարող են հանգիստ զբաղվել իրենց գործերով։

Սրան զուգահեռ՝ Փաշինյանը ցանկանում է շոշափել քաղաքացիների տրամադրությունները, հասկանալ, թե մեկ տարվա ընթացքում ինչ փոփոխություններ են նկատվում հանրության մոտեցումներում։ Նա լավ է հասկանում, որ բացի ՍԴ դատավորներին փոխելու հարցից, ապրիլի 5-ի հանրաքվեով կշեռքի նժարին է դրվելու այն հարցը, թե հանրության շրջանում ինչ վստահության մակարդակ կա իշխանության նկատմամբ։

Եվ այս առումով հանրաքվեն յուրահատուկ քննություն է լինելու իշխանությունների համար։ Հենց դրա համար է, որ վարչապետը մեծ ռեսուրսներ է ներդնում՝ հորդորելով բնակչությանը առանց վարանելու «այո» ասել իրենց նախաձեռնած սահմանադրական փոփոխություններին, որն ի սկզբանե որակվել է անօրինական ու հակասահմանադրական։

Այնուամենայնիվ, ուշագրավ է այն հանգամանքը, որ եթե անցած խորհրդարանական ընտրությունների քարոզարշավի ընթացքում, երբ էյֆորիայի ալիքը դեռևս պահպանվում էր, քաղաքացիները մեծ խանդավառությամբ էին մոտենում վարչապետին և քաջալերում վերջինիս, որ մեծ հույսեր են կապում նրա հետ, ապա հանրաքվեի քարոզչության ընթացքում տրամադրությունների փոփոխություններ են նկատվում։ Ընդգծված փոփոխություններ:

Քաղաքացիներին ավելի շատ հետաքրքրում են իրենց պրոբլեմները և սոցիալական վիճակը, քան մի քանի դատավորների աշխատանքից ազատելու հարցը, կամ թե նախկինում ինչ է կատարվել, որին այդքան շատ հղում է կատարում վարչապետն իր ելույթներում։ Քաղաքացիներն ավելի սթափ են մտածում, դրա համար էլ իրենց խնդիրների լուծումն ակնկալում են հենց վարչապետից, ով ժամանակին պայծառ ապագա էր խոստանում։ 

Եվ նրանցից շատերը վարչապետի հետ հանդիպումների ժամանակ իրենց պրոբլեմները բարձրացնում են նրա առջև, սակայն վարչապետն, իր սովորության համաձայն, հարցն այլ դաշտ է տանում՝ նշելով, թե դա պետության շրջանակներից դուրս է, քաղաքացիներն իրենք պետք է լուծեն դրանք և այլն։ Այսինքն, հարգելի «արժանապատիվ քաղաքացիներ», վարչապետն եկել է ասի, որ իր վրա հույս չդնեք, «եղունգ ունեք, գլուխներդ քորեք»:

Սա, բնականաբար, բացասական արձագանք է գտնում հանրության շրջանում։ Ու թերևս նաև հանրության շրջանում տրամադրությունների փոփոխության հետևանքով է, որ Փաշինյանը շատ զգայուն է դարձել քննադատությունների նկատմամբ, և ավելի ու ավելի էմոցիոնալ է արձագանքում դրանց։

 Սակայն հանրությունը չափազանց զգայուն է ամեն «մանրուքի» նկատմամբ, ու հեռու չէ այն օրը, երբ հասարակության մեծ մասը կհասկանա, որ իր ակնկալիքներն ուղղակի «ջրվում» են, որ ինքը նորից մնացել է միայնակ իր հոգսերի հետ, որ իր ու «ընտրյալ իշխանության» միջև հեռավորությունը աներևակայելի արագությամբ մեծանում է: Նման հեռավորություն մեր հասարակությունը տեսել է: Ով՝ ով, բայց դրա հետևանքների մասին ամենալավը հենց Փաշինյանը գիտի 2018 թվականի ապրիլ-մայիսյան իրադարձությունների օրինակով...

Մանրամասները՝ «Փաստ» օրաթերթի այսօրվա համարում

 

Հայաստանի 3 մարզերում ձյուն է տեղում Տաթևիկ Ռևազյանն ընդունել է՝ Հայաստանի ավիաընկերություններից վերցրել են դեպի Եվրոպա չվերթների թույլտվությունը Վրաստանում վիրուսից մահացած կինը հյուծված էր, 15 կգ էր կշռում․ Aliq.ge «Ես սխալվեցի․ համաճարակը գնում է ամենավատ սցենարով»․ Բժիշկ Ալեքսանդր Մյասնիկով․ Ռիա Նովոստի Եթե գալիք աշխարհի փոփոխությունն անխուսափելի է, ապա ինչպե՞ս մենք կարող ենք մնալ նույնը․ Արմեն Աշոտյան Քաղավիացիայի կոմիտեում EASA-ի հայտնաբերած խախտումները ավելի վաղ ՊՎԾ-ն է բացահայտել Դավիթի ամենաերկար հերթապահությունը. Կորոնավիրուսով վարակված բժշկի պատմությունը Գազի հնարավոր սակագինը՝ լուրջ քաղաքական բաղադրիչ. Արա Գալոյան Թեստերը միայն «ընտրյալների՞» համար են, իսկ հասարակ մարդիկ պիտի 14 օր մնան անորոշության մե՞ջ Հակառակորդը մեկ շաբաթում հայ դիրքապահների ուղղությամբ արձակել է շուրջ 1300 կրակոց Կորոնավիրուսի զոհերի թիվն աշխարհում հասել է 59 226-ի, առողջացել է 229 280 մարդ. worldometers.info Զինծառայող Բաբակեխյանին դիտավորությամբ կյանքից զրկելու կասկածանքով ձերբակալվել է համածառայակիցը Հայաստան-Արցախ բժշկասանիտարական հսկիչ կետերում շարունակվում է ջերմաչափման գործընթացը Ոստիկանությունը մեկ օրում բացահայտել է հանցագործության 41 դեպք «Գ.Ծառուկյան» հիմնադրամը պարենային օգնություն է հատկացրել սահմանամերձ Տավուշի մարզում
Ամենաընթերցված
Եթե գալիք աշխարհի փոփոխությունն անխուսափելի է, ապա... Թեստերը միայն «ընտրյալների՞» համար են, իսկ հասարակ... Ադրբեջանական կողմը փորձ է կատարում ապակայունացնել ... Սոցիալապես անապահովները միշտ էլ եղել են Գ. Ծառուկյ... Սկանդալային օրենքը պատուհաս՝ ժողովրդավարության համ... Այս իրավիճակի միակ պատասխանատուն Նիկոլն է և իր թիմ... ՀՀԿ-ի "տնազ"՝ "դուխով" գլխարկներով Թքած ունենալու նուրբ արվեստը... Varks.am-ում ժամկետանց պարտավորություն ունեցողների... Պոպուլիստական կառավարությունն ուժեղ դառնալ չի կարո... Ախր ես ինչպես վեր կենամ գնամ․ Լևոն Արոնյանի կինն՝ ... Պայուսակը թողնել մուտքի մոտ, ախտահանել հեռախոսը․ ն... Ժամանակավորապես դադարեցվել է Արցախի եւ Հայաստանի մ... «Հիվանդությունների վերահսկման և կանխարգելման ազգայ... Ցնցված եմ․ Փաշինյանը ցավակցել է Դեւեջյանի մահվան կ... 3 մահ և բազմաթիվ հեռախոսազրույցներ, գլոբալ մարտահր... Նորքի ինֆեկցիոն հիվանդանոցում երկու մահ ունեցանք. ... Մի ամբողջ սերունդ անցնում է, ու էս այլանդակ վարակը... Մեկուսացված զինծառայողները հայտնել են իրենց համաձա... Հայաստանի պատմության համար աննախադեպ բան է տեղի ու...
website by Sargssyan