Պարապուրդի մատնված «Իրատես» թերթը հիվանդ երևակայությանն է զոռ տվել

Karen Hakobyan -ը գրում է՝

Հաշվի առնելով հանգամանքը, թե այս թերթն ում շահերի ներկայացուցիչն է, զարմանալի չէ, որ ժամանակ առ ժամանակ հիվանդ երևակայությանը զոռ տալով, հերթական սադրանքն է նետել դաշտ: Այս անգամ էլ գրել է, թե օրերս Ծառուկյանն ու Վանեցյանը հանդիպել են, տողատակերում ակնհայտ սադրանք թաքցնելով և ինչ-որ բաներ հասկացնելով որոշ շրջանակների: Ի գիտություն այս՝ այդպես էլ իր հարգանքը մեդիադաշտում չվաստակած թերթի խմբագրության, պետք է հիշեցնեմ Ծառուկյանի խոսքը՝ իր հարցազրույցներից մեկում հնչեցրած, որ Վանեցյանի հետ քաղաքական համագործակցություն ԲՀԿ-ն իր օրակարգում չունի: Այսինքն նմանատիպ բլեֆները մամուլի կողմից, զուտ նպատակ են հետապնդում, որոշակի լարվածություն և սրացումներ հրահրել, արանքում որոշ դիվիդենտներ քաղելով իրենց պատվիրատուների, իրենց շեֆերի համար այսպես ասած: Եթե հասել եք նրան, որ ասեկոսենրի և բանսարկությունների մակարդակով եք սկսել քաղաքական դաշտում դիրքավորվելու կռիվ տալ, ապա ցավում եմ ձեզ համար, որովհետև պատմություն կա թիկունքում, երբ նման դրսևորմամբ հանդես են եկել ուժեր, ներկայումս դրանք բոլորը քաղաքական աղբանոցում են, սպառված: Հետևություններ արեք և ձեր ապակառուցողական գործելաոճին, «դիշովի» բլեֆներին ու սադրանքներին վերջ տվեք, դա ձեզ չի փրկելու: