Կ. Աճեմյան, եթե մեղքերից խոսենք, ապա ձեր հարազատ կուսակցությունը բացառիկ ռեկորդ ունի սահմանած այդ կատեգորիայում
BlogShavarsh Bznunyan-ը գրում է՝
ՍԴ-ի վերաբերյալ նախկին իշխանական կլանի ներկայացուցիչների խռխռոցները կարելի է հասկանալ՝ «հարազատին» են սատարում, բայց մերբ այդ ճանապարհին սկսում են «մուտիլովկաներ» անել, սկսում են այլոց սադրելով ներքաշել իրենց խաղերի մեջ, դա արդեն անթույլատրելի է: Մասնավորապես այսօր էլ Կարինե Աճեմյանն է իր մտքի գոհարները շաղ տվել, և մեղադրականներ է հնչեցրել նաև ԲՀԿ-ի հասցեին՝ արտահայտած դիրքորոշման վերաբերյալ: Նախ որպեսզի պարզ լինի, այս տիկինին հորդորում ենք ականջին մեկ բան օղ անել, որ Հրայր Թովմասյանի անձով պայմանավորված ԲՀԿ-ն երբեք տեսակետ չի արտահայտելու, դա կարող եք անել դուք և մյուսները, ԲՀԿ-ն ինստիտուցիոնալ մակարդակում էր հարցը դիտարկում և ողջ պրոցեսի միայն իրավական ընթացքն էր ընդունելի համարում: Հիմա ձեր էժան մեղադրակներով կամ «փնթի» մանիպուլացիայով փորձ եք անում հրահրել ԲՀԿ-ի՞ն, չի ստացվելու, կրկնում եմ ձեր խաղերը ինքներդ էլ խաղացեք, ոնց եփել եք այս ամենը, այդպես էլ կրեք, այլոց չփորձեք ներքաշել այդ պրոցեսի մեջ, կրկնում եմ, ուղղակի չի ստացվելու:
Հա ի դեպ եթե մեղքերից խոսելիս լինենք, տիկինի հարազատ կուսակցությունը այդ առումով բացառիկ ռեկորդ ունի սահմանած, այնպես որ մի քիչ կոռեկտությունը ձեզ չէր խանգարի: