«Եթե շարժ­վենք նույն դան­դաղ­կո­տու­թյամբ, կա­րև­որ­ներն ան­կա­րև­որ­նե­րից չսահ­մա­նա­զա­տե­լով, լուրջ խնդիր­ներ կու­նե­նանք»

Լավատեսական սպասումներ, միևնույն ժամանակ որոշակի ռիսկեր՝ կապված նաև երկրի ընդհանուր զարգացման հետ: Վերոնշյալ սպասումները և ռիսկերը «Փաստի» հետ զրույցում մատնանշել է տնտեսագիտության թեկնածու, դոցենտ Ջուլիետա Թադևոսյանը՝ խոսելով նաև տնտեսական իրավիճակի, նախորդ տարում գրանցված արդյունքների, 2020թ.-ի անելիքների, ինչպես նաև երբեմն «աննախադեպ» որակվող ցուցանիշների մասին: 

«Եթե մենք քննարկենք հետհեղափոխական ժամանակահատվածի առաջին լիարժեք տարին, ապա պետք է ասենք, որ արդյունքներն իրենց մեջ լավատեսական սպասումներ են ամփոփում: Էական հետընթաց չի արձանագրվել, գրեթե բոլոր ցուցանիշների մասով գրանցված որոշակի սանդղակը պահպանվում է: 

Դրական արդյունքների շարքին պետք է դասել հատկապես արդյունաբերության ոլորտի աճը: Այդ ցուցանիշը, սակայն, դեռ չի կարող բավարար համարվել։ 

Մենք անընդհատ խոսում ենք ՀՆԱ-ի մասին, առհասարակ տնտեսական զարգացումների ներառականության մասին, և, կարծեք թե, արձանագրվում է, որ ներառականություն չի ապահովվում: 

Այս առումով, սակայն, պետք է ընդգծել, որ միանգամից հնարավոր չէ այնպիսի ներառականություն ունենալ, ինչպես զարգացած երկրներում է: Այդուհանդերձ, այդ առումով որոշակի խնդիրներ լուծվում են»,-ասաց մեր զրուցակիցը՝ ընդգծելով աշխատավարձերի, կենսաթոշակների տասը տոկոս բարձրացման, ինչպես նաև սոցիալական ուղղվածության որոշակի ծրագրերի իրականացման մասին:

 «Այսինքն, միգուցե շատ փոքր ծավալներով, բայց ներառականության ինչ-որ ազդակներ մենք արդեն ստանում ենք: Իսկ ընդհանուր առմամբ, ներառական տնտեսություն ունենալու համար արտադրությունը պետք է մոդեռնացվի, որի համատեքստում կարող ենք ընդգծել բիզնեսն ակտիվացնելու, բիզնեսին աջակցելու, պետական և մասնավոր հատվածի համագործակցության խորացման և այլ անհրաժեշտությունների մասին»,-նշեց մեր զրուցակիցը: 

Ինչ վերաբերում է ռիսկերին՝ Ջ. Թադևոսյանը նշեց, որ կան նաև խութեր, որոնք կապված են երկրի զարգացման ու նվաճումների հետ: Այս առումով նա դիտարկեց տնտեսական աճը, որի խնդիրն առկա է առհասարակ ամբողջ աշխարհում.

 «Այդուհանդերձ, քանի որ դաշտը բաց է, մենք կարող ենք տարբեր ուղղություններով, համակարգային միջոցառումների շնորհիվ և առավել կառուցվածքային տնտեսական քաղաքականության միջոցով ապահովել ՀՆԱ-ի ավելի բարձր տեմպեր: Մեծ հաշվով, կտրուկ հետընթաց չենք ապրում նաև տնտեսական աճի առումով: 

Իսկ բյուջեում ամրագրված 4,9 տոկոս տնտեսական աճը իրավիճակային ցուցանիշ է, համապատասխանում է մեր ներուժին: 

Այլ խնդիր է, որ որոշակի ռիսկեր կարող են առաջանալ այդ աճի որակական տեսանկյունից: 

Մենք դարձյալ տեսնում ենք, որ ծառայությունների, ընդ որում՝ ոչ արտահանելի ոլորտների տեսակարար կշիռը գրեթե նույն չափով պահպանվել է, տեսնում ենք նաև գյուղատնտեսության դերակատարման նվազում»:

Անդրադառնալով աննախադեպ որակվող ցուցանիշներին՝ մեր զրուցակիցը նախ նկատեց. 

«Եթե երբեմն ցուցանիշներին աննախադեպ բնութագրումն է տրվում, միգուցե դա ավելի շատ շտապելու, երկիրը լավատեսական շրջանակներում դիտելու ցանկության հետևանքն է: Իհարկե, եթե կան դեպքեր, որոնց պարագայում չպետք է շտապողականություն ցուցաբերվի, այդ մասին պետք է չասվի, և տեղեկատվությունը պետք է ավելի ստույգ մատուցվի: Այս համատեքստում, այնուամենայնիվ, պետք է նշեմ, որ ՀՆԱ-ի վերաբերյալ հայտարարության մասով ոչնչից մեծ աղմուկ բարձրացավ: 

Բոլորս գիտենք, որ արժույթի միջազգային հիմնադրամը լուրջ ֆինանսական կառույց է, իր մեթոդաբանությամբ ցուցանիշներ է հրապարակել, որից ելնելով՝ կա այն ոգևորությունը, ըստ որի՝ մենք մի քիչ ավելի լավ դիրքում ենք հայտնվել: 

Շատ հաճախ լինում են ոչ տեղին արձագանքներ, բայց լինում են դեպքեր, երբ ցուցանիշները մատուցվում են ոչ ստույգ, ինչն արդեն այլ խնդիր է»:

Ջուլիետա Թադևոսյանը շեշտեց, որ հատկապես վերջին երկու տարիներ ընթացքում, հետհեղափոխական շրջանով պայմանավորված, սայթաքումներն ու վրիպումները չէին կարող բացառվել: 

«Մենք կարող էինք ավելի վատ վիճակում հայտնվել, ավելի վատ ցուցանիշներ ու լուրջ խնդիրներ ունենալ, բայց նման իրավիճակ չկա, փոխարենն ունենք մի հարթակ, որտեղ դանդաղ ու փոքրիկ քայլերով ինչ-որ խնդիրներ են լուծվում: 

Բայց այսօր արդեն կան որոշակի ազդակներ, ռիսկեր»,-ասաց նա՝ առաջին հերթին առանձնացնելով գիտատեխնիկական անվտանգության հարցը, կրթության, գիտության ոլորտները: «Եթե այսօր կրթության, գիտության մեջ ներդրումներ անենք, մենք այդ հատույցը մի քանի տարի հետո անպայման կստանանք: 

Եթե մենք շարժվենք նույն դանդաղկոտությամբ, կարևորներն անկարևորներից չսահմանազատելով, բնականաբար, մեկ-երկու տարի հետո ավելի լուրջ խնդիրներ կունենանք, որոնք կարող են լինել դժվար լուծելի ու վտանգավոր մեր երկրի համար: 

Այս առումով ցանկալի է շատ ավելի հստակ, ճշմարիտ և իրատեսական տեղեկատվություն մատուցել հանրությանը, առավել ևս՝ պարզ լեզվով, ինչն անպայման իր դրական ազդեցությունը կունենա, որովհետև չհիմնավորված տեղեկատվությունից շատ բան է կախված: 

2019-ին ձևավորվեց մի հարթակ, ըստ որի՝ 2020թ.-ին կարելի է վերահսկել տնտեսության զարգացման ընթացքը, բացահայտել խութերն ու ռիսկերը, ինչից ելնելով էլ մշակել նոր ուղղություններ՝ ներգրավելով էլ ավելի պրոֆեսիոնալ մարդկանց, ունենալով նաև երկրի զարգացման էլ ավելի գերակա նպատակներ ու ոլորտներ»,-եզրափակեց մասնագետը:

ԱՆՆԱ ԲԱԴԱԼՅԱՆ

Աբովյան քաղաքի բնակարաններից մեկում դի է հայտնաբերվել ՀՀ վարչապետն արդեն երրորդ անգամ հայտարարեց Արա Բաբլոյանի և Արսեն Բաբայանի դատավճիռները․ Ավետիք Իշխանյան Ծեծի ենթարկված փոխգնդապետ Արա Մխիթարյանի գործով քննչական գործողություններ այս պահին չեն իրականացվում Անհապաղ պետք է ձեռնարկել ավելի լայնածավալ գործողություններ` կորոնավիրուսի ներթափանցումը կանխելու համար․ Արման Աբովյան Կորոնավիրուսի մահաբեր ուրվականը․ փակե՞լ, թե՞ ոչ հայ-իրանական սահմանը Միլիոնների գնումներ մեկ անձից. Ովքե՞ր են Նոր Հայաստանի «հաջողակները» Այսօր Բուն Բարեկենդան է Անանյանը հաղթել է Մատիասին, որի հետ մենամարտից հետո մահացել էր Դադաշևը Ապարան-Արթիկ ավտոճանապարհին մեքենան մի քանի պտույտ շրջվելով՝ հայտնվել է դաշտում․ վարորդը տեղում մահացել է Իրանում տեղի ունեցած երկրաշարժը զգացվել է նաև Երևանում` 3-4 բալ «Լավ է, որ քաղաքական թոհուբոհի մեջ լրջագույն խնդիրներն անտարբերության չեն մատնում»․ փոփոխություններ՝ նյութական պահուստների մասին օրենքում 2020 թվականը 2018 թվականը չէ, մթնոլորտ է փոխվել Կոմերսանտի «զոնդաժը» Մյունխենում՝ «Լավրովի պլանի» վերաբերյալ․ Ալիևը հավատարմություն հայտնեց, Փաշինյանը շրջանցեց Լարսի ռուսական կողմում 656 բեռնատար կա կուտակված Օրվա հանդիպումների անոնս
Ամենաընթերցված
ՀՀ վարչապետն արդեն երրորդ անգամ հայտարարեց Արա Բաբ... Անհապաղ պետք է ձեռնարկել ավելի լայնածավալ գործողու... Անհրաժեշտ է ժամանակավորապես փակել Հայ-Իրանական ցամ... Շատ ավելի ճիշտ կլիներ արդեն երեկ սահմանը փակելը. Կ... ՀՀ դեսպանությունը կոչ է անում Իրանում գտնվող Հայաս... Բարի Սամարացի ընկերությունը վստահված է անգամ վարչա... Լուրջ հարցազրույցի ձևաչափը քոնը չի, քոնը ղժղժան քա... Փաշինյանը գնում է 1997թ-ի փուլային տարբերակին. Էդո... «Ինչո՞ւ հենց ապրիլի 5-ին. ես զուգադիպություններին ... Նոր զվարճալի Արթ-կերպարներ Depteam-ի կողմից ՍԴ-ի հարցը լուծում ենք ու վե՞րջ․․․ Երաշխավորում եմ, որ մարդասպանի դատավարությունը կան... Դանակահարված դեռահասների մոտ նկատվում է դրական դին... Տնտեսական հեղափոխության միֆը Պարապուրդի մատնված «Իրատես» թերթը հիվանդ երևակայու... Բանակը՝ քաղաքական ենթամշակույթի զոհ ... Աջափնյակում ևս մեկ պաշտոնանկություն է եղել Չկա բանակ-հասարակություն բաժանում․ կարևոր եմ համար... Նման ստեր հրապարակողին չպետք է սահմանափակել արհամա... «Կայուն տեմպերով գնում ենք դեպի գարուն». Գագիկ Սու...
website by Sargssyan