Ինչո՞ւ է հիմնական չափանիշ ընտրվել գնային առաջարկը
ՀասարակությունԻշխանափոխությունից հետո առաջին գործերից մեկը, որ նոր իշխանություններն արեցին, «Կանչ» թերթի, «Ծիծեռնակ» և «Աղբյուր» մանկապատանեկան ամսագրերի ֆինանսավորման դադարեցումն էր պետբյուջեից:
Ավելի ստույգ, որոշում էր կայացվել անցկացնել մրցույթ, որի հիմքում առաջին հերթին գնային առաջարկն է: Այսինքն, ստացվում է, որ ցանկացած ոք, որը էժան գին կառաջարկի, կարող է երեխաների համար թերթ կամ ամսագիր հրատարակել պետության ֆինանսավորմամբ: «Անցած ամբողջ տարին գրեցինք այն մասին, որ գնային ամենաէժան առաջարկը որպես չափորոշիչ ընտրելը շատ սխալ է», - «Փաստի» հետ զրույցում ասում է «Աղբյուր» մանկապատանեկան ամսագրի գլխավոր խմբագիր Թադևոս Տոնոյանը՝ հավելելով, որ նախարարությունից «ծիծաղելի պատասխան» են ստացել:
«Կարծում եմ, որ այնտեղ անտեղյակ մարդիկ են աշխատում, այս հարցերը կարգավորում։ Իմացողներն էլ, երևի թե, վախենում են ձայն հանել, կարող է գործից ազատեն։ Այդպիսի հոտ է գալիս այդտեղից։ Մի բան էլ ասեմ մրցույթների վերաբերյալ։ Դրանք սուտ բաներ են, որովհետև իրենց ընկերները, ծանոթները, կուսակիցներն են այդ հանձնաժողովների անդամները»,-նշում է Տոնոյանն ու անհանգստություն հայտնում, որ հիմա տառասխալներով ամսագիր են տպագրում, ուղարկում դպրոց։