Արսեն Թորոսյանը կփորձի իմ մուտքն արգելել այլ հիվանդանոցներ. 25 տարի Սուրբ Գրիգոր Լուսավորիչ ԲԿ-ում աշխատած բժիշկ (Տեսանյութ)

1995 թվականից Սուրբ Գրիգոր Լուսավորիչ ԲԿ-ում աշխատող և վերջին տասը տարում կենտրոնի Ռադիոլոգիայի բաժանմունքի վարիչի պաշտոնում աշխատած բժիշկ Արման Գրիգորյանն արդեն ծանուցվել է՝ 2020 թվականի փետրվարի 18-ից պետք է հեռանա բժշկական կենտրոնից, քանի որ բաժանմունքի վարիչի հաստիքը կրճատվում է, իսկ այս պահին հիվանդանոցն այլ աշխատանք չի կարող առաջարկել իրեն։

«Հաստիքի կրճատման պատճառը, իմ կարծիքով, այն է, որ ես հարմար չեմ նոր ղեկավարությանը։ Այս նոր ղեկավարությունը բազմաթիվ անգամներ ասել է, որ ես նախկին տնօրենին եմ պաշտպանում, բացի այդ, առաջարկում են լռեցնել իմ եղբորը՝ առողջապահության կազմակերպիչ Գևորգ Գրիգորյանին, եթե, իհարկե, ցանկանում եմ պահպանել իմ աշխատատեղը»,- 168 TV-ի «Ռեվյու» հաղորդաշարի եթերում ասաց բժիշկ Գրիգորյանը՝ իր ազատման հիմնական պատճառ դիտարկելով Առողջապահության նախարարի գործունեության վերաբերյալ՝ եղբոր հնչեցրած քննադատությունները։

Արման Գրիգորյանը, որը 1995 թվականից ճանաչում է բժշկական կենտրոնի նախկին տնօրեն Արա Մինասյանին, որին նաև համարում է պրոֆեսիոնալ մասնագետ, վստահեցնում է՝ դեմ է եղել Արա Մինասյանին այդ եղանակով բժշկական կենտրոնից հեռացնելուն, քանի որ վստահ էր, որ դա բերելու է լարվածության, ինչին էլ ականատես եղավ Արա Մինասյանի հեռանալուց հետո։

«Եկավ նոր թիմ, եկան «մերոնք, ձերոնք» կարգախոսներով, սակայն ընթացքում տեսան, որ մենք նորմալ բժիշկներ ենք, որ իրենց հետ նորմալ աշխատում ենք։ Սկզբում մտածում էին, որ մեր բժշկական կենտրոնը հանցագործների բուն է, բայց ընթացքում տեսան, որ մենք ընդամենը բժիշկներ ենք, և սկսեցին մեզ հետ աշխատել, իհարկե, այս նորերի մեջ կային նաև բավականին լավ մասնագետներ։ Այս նոր տնօրենը՝ պարոն Հովակիմյանը, փորձում է կարևորել բժիշկների պրոֆեսիոնալիզմը, բայց կարծում եմ՝ պարտավորություններ ունի նախարարի նկատմամբ, այն է՝ հեռացնել նախարարի համար ոչ ցանկալի մարդկանց»,- ասաց Արման Գրիգորյանը։

Այս բժշկական կենտրոնում տասնամյակներ աշխատած բժիշկը, որը պետք է այժմ հեռանա, հիշում է, թե ինչպես էր Արա Մինասյանը, օրինակ, հուշանվերներով ճանապարհում թոշակի գնացող բժիշկներին, սակայն Արսեն Թորոսյանից որևէ սպասելիք չունի։

«Որևէ բան նրանից չեմ սպասում։ Գիտեք՝ մարդիկ կան, որոնք ամեն կերպ ցանկանում են բավարարել իրենց ամբիցիաները, փոքր ժամանակ չստացած խաղալիքները։ Նա իմ քաշայինը չէ, որ փորձեմ նրանից որևէ բան սպասել։ Անգամ հեռակա կարգով Թորոսյանն իր պահելաձևով, իր տղամարդկային պահվածքով չի առաջացնում ինձ մոտ տպավորություն, որ կարելի է Թորոսյանից որևէ հարցի լուծում կամ որևէ հարցի պատասխան սպասել։ Մեր տնօրեն Հովակիմյանն այդ առումով ավելի նախընտրելի է, ավելի նպատակահարմար է նրա հետ խոսել, թեև նրա հետ էլ որևէ խոսակցություն չեմ պատրաստվում ունենալ»,- ասաց Արման Գրիգորյանը։

25 տարվա աշխատանքային փորձ ունեցող բժշկի կարծիքով՝ Հայատանում առողջապահությունն անվստահելի ձեռքերում է, ու ինքը չի հասկանում, թե ո՞ւր են տանում իրականացված այս կամ այն ծրագրերը։

«Ես տեսնում եմ, որ բժիշկներ են մնում առանց աշխատանքի, սոցիալական խնդիրներ են առաջանում, բայց չէ՞ որ եկել էին, որ բարելավեն»,- ասաց Արման Գրիգորյանը՝ ընդգծելով, որ այժմ բժշկի մասնագիտական հմտությունները շատ հաճախ ստորադասվում են տարատեսակ նպատակների։

«Մենք կջնջենք, նորը կկառուցենք, ով մեզ հետ չի քայլել, մեր դեմ է. նման բաներ եմ տեսնում, բայց իմ գաղափարախոսությունը հետևյալն է՝ պետությունը բոլորինն է։ Հիմա լարվածություն կա բժիշկների և պացիենտների միջև, բացասական մեծ քանակի էներգիա կա, այս նորաստեղծ ղեկավարության ժամանակ ես անձամբ լարվածություն եմ զգում, կան կողմնակի խոսակցություններ, որոնք խանգարում են մասնագիտական աշխատանքին»,- ասաց Գրիգորյանը։

Բժիշկը հայտնեց, որ Սուրբ Գրիգոր Լուսավորիչ բժշկական կենտրոնից հեռանալուց հետո որոշակի դադար կվերցնի, որից հետո կփորձի այլ հիվանդանոցում աշխատանքի անցնել, եթե, իհարկե, Արսեն Թորոսյանը չհրահանգի աշխատանքի չվերցնել։

«Եթե նախարարի հրահանգները չլինեն՝ ինձ որևէ այլ հիվանդանոցում աշխատանքի չընդունել… ինձ թվում է՝ կփորձի իմ մուտքն արգելել այն հիվանդանոցներ, որոնք իրենից կախվածություն ունեն»,- ասաց բժիշկ Գրիգորյանը։

Հարցազրույցի մանրամասները՝ տեսանյութում

 
 
Ամա­նորն ան­ցել է, հի­մա ար­դեն բնակ­չու­թյա­նը կա­րե­լի է նա­խա­պատ­րաս­տել գա­զի գնի թան­կաց­մա­նը Երկրաշարժ Աշոցք գյուղից 10 կմ հարավ-արևելք. Էպիկենտրոնում՝ 4-5 բալ «Իշ­խա­նու­թյուն­նե­րը առաջ են գնում իրենց ծրագ­րած պլա­նով, որի մեջ նաև ՍԴ-ն ճզմե­լու նպա­տակն է» Գյուղապետարանը որոշել է «կատաֆալկա» գնել Վանեցյանն ուժեղացրել է իր անվտանգությունը «168 ժամ». Սերժ Սարգսյանը ՀՀԿ նիստում անդրադարձել է Գեորգի Կուտոյանի մահվան դեպքին. Նա մի դրվագ է պատմել Կրթու­թյան քա­ղա­քա­կա­նաց­ման հեր­թա­կան ալի­քը «Հրապարակ». Սերժ Սարգսյանը ծանր է տարել Գեորգի Կուտոյանի մահվան լուրը Գեորգի Կուտոյան անունով օգտատերը Վիքիպեդիայից 3 անգամ փորձել է ջնջել ԱԱԾ նախկին տնօրենի կենսագրությունը Կուտոյանի տան դիմաց կանգնած Հրայր Թովմասյանը չէր կարողանում զսպել արցունքները (Տեսանյութ) «Ո՞րն է Գեորգի Կուտոյանի մահվան ձեր վարկածը». mamul.am-ի հարցումը զայրացրել է ֆեյսբուքյան օգտատերերին Գեորգի Կուտոյանի մահը հանելուկ է հարազատների համար. ինչ են պատմում նրանք Դեպքի օրը Կուտոյանը ինչ-որ հանդիպում է ունեցել. նրան վերջերս հետ էին կանչել արտերկրում ուսումից Կուտոյանի դիակը հայտնաբերել են նրա կինը և հայրը ՏԵՍԱՆՅՈՒԹ. Ցնցված եմ. Սերժ Սարգսյանը՝ Կուտոյանի մահվան մասին
Ամենաընթերցված
«Ո՞րն է Գեորգի Կուտոյանի մահվան ձեր վարկածը». mamu... Արթուր Վանեցյանը գրառում է արել Ինստագրամում հայտնված սպիտակ վագրը Գ. Ծառուկյանին ... Նիկոլ Փաշինյանի ասուլիսը տեղի կունենա Կապանում Ստիպված եմ հիասթափեցնել վարչապետ Փաշինյանին. Հայաս... Երևանի երկնքում արտասովոր ամպ է հայտնվել. Սուրենյա... «Իմ զգուշացումը նաեւ ՍԴ-ի շուրջ իրադարձությունների... «Քաղաքական հետապնդման տարրերը ակնհայտ են». Նիկոլ Փ... Նախարարը՝ ծննդօգնության ծառայությունների բարեփոխու... Դեկտեմբերին «Ժպիտների քաղաք» հիմնադրամն օգնել է 91... Կոտրել են իմ ֆեյսբուքյան էջը. այս ամբողջ գործընթաց... Մարիամ ջան, աղջիկս, մի մտիր խնդրում եմ մեծերի անհա... Սահակաշվիլին անտեղյակ է, իսկ խոսում է Տիգրան Մեծից... 2019-ին Հայոց բանակում (բոլոր պատճառներով) զոհերի ... Ցավով պետք է նշեմ, որ ՀՆԱ-ի ցուցանիշի հետ կապված ի... Հայաստանը չի ներքաշվի հակաիրանական գործողություննե... Շնորհավորում եմ բոլորիս՝ աշխատանքային տարվա մեկնար... Երանի՜ հեզերին, որովհետև նրանք երկիրը պիտի ժառանգե... «Բաքվի բռնապետը պայքար է սկսել Իրանում մեր նկատմամ... Բնավ մի զայրացեք, որ հակառակորդը կարող է օգտվել ձե...
website by Sargssyan