2020-ին զարգացող շուկաներն ավելի արագ կաճեն, քան ԱՄՆ-ն ու Եվրոպան. Forbes

Օրերս Համաշխարհային բանկը «Գլոբալ տնտեսական հեռանկարները 2020 թվականին» գլխագրով զեկույց հրապարակեց: Ըստ այդ զեկույցի, այս տարի բոլոր երկրների տնտեսությունները կաճեն՝  բացառությամբ Արգենտինայի, Իրանի և որոշ աղքատ երկրների, ինչպիսին Հայիթին է (Վենեսուելան, ի դեպ, ընդհանրապես չի էլ երևում Համաշխարհային բանկի «քարտեզում»):

Ըստ այդմ, նախատեսվում է, որ Արգենտինայի տնտեսական աճը կնվազի 1,3%-ով, Հայիթիի աճը՝ 1,4% -ով, իսկ Իրանում կանխատեսվում է զրոյական աճ, չնայած՝ այդ գնահատումն, ամենայն հավանականությամբ, կփոխվի այն բանից հետո, երբ չորեքշաբթի օրն ԱՄՆ նախագահ Թրամփը հայտարարեց Իրանի դեմ առավել խիստ նոր պատժամիջոցների մասին:

Հայտնի Forbes հանդեսն այս առիթով նշում է, որ ՀԲ-ի տարեկան զեկույցից կարելի է գործնական եզրակացության հանգել. բոլորը զարգանում են, և պատճառ չկա, որ առաջիկա երկու տարում գլոբալ տնտեսական անկում ակնկալենք: Եվ դա այն դեպքում, երբ ֆինանսական լրատվամիջոցների որոշ հատվածներում այդ մասին բազմաթիվ մշուշոտ կանխատեսումներ են արվում: 

2020 թվականի համար ընդհանուր գլոբալ տնտեսական աճը կանխատեսվում է 2,4%: Ընդ որում, ՀԲ-ն հայտնում է, որ համաշխարհային աճը 2021-ին կարող է հասնել մինչև 2.6%, իսկ 2022-ին՝ մինչև 2.7%-ի:

Միևնույն ժամանակ, այսպես կոչված, զարգացող շուկաները կարող են ակնկալել, որ նոր տարում իրենց գործերն ավելի լավ կընթանան, և  այս  կանխատեսումն արվում է հատկապես Բրազիլիայի ու Ռուսաստանի համար: Այս շուկաները հույս ունեն 2020-ին հասնել ՀՆԱ-ի 4,1% աճի ՝ նախորդ տարվա 3.5%-ից բարելավում արձանագրելով, և ՀԲ-ն էլ հաստատում է, որ 4.3% աճ է կանխատեսում երկու երկրների համար 2021 թվականին, ինչը վատ չէ:

Forbes-ի փոխանցմամբ՝ աշխարհի ամենահեռանկարային հինգ զարգացող շուկաներում, որտեղ տեղակայված է մարդկության 40 տոկոսը  (Բրազիլիա, Ռուսաստան, Հնդկաստան, Չինաստան, Հարավային Աֆրիկան), կոնկրետ Չինաստանի մասով իրավիճակը հետևյալն է. առաջիկա երեք տարում այդ երկիրը չի գերազանցի 6% աճը, բայց զարմանալի ոչինչ չկա, որովհետև Պեկինն ի՛նքն է կանխատեսում և պլանավորում հենց այդքան տնտեսական աճ: Ո՛չ ավելի: ՀԲ-ում համարյա ճշգրտորեն են համաձայն թռչող վիշապների երկրի հետ. այստեղ Չինաստանին 2020-ի համար խոստանում են 5,9% տնտեսական աճ:

Սա, իհարկե, չի նշանակում, թե ՀԲ-ն միայն հովվերգություն է նկարագրել. իրականում, զեկույցի համաձայն, ամբողջ աշխարհում տնտեսական աճը դանդաղել է նույնիսկ ավելին, քան սպասվում էր: Պատճառը շուկաների ներքին պահանջարկի անկումն ու միջազգային առևտրում լարվածության աճն է եղել: Առևտրային անորոշությունը և բարձր սակագները 2019-ի ընթացքում ճնշող ազդեցություն են թողել կորպորատիվ ներդրողների տրամադրության վրա, արդյունաբերական արտադրության աճը զարգացման ամենացածր տեմպերն է արձանագրել, իսկ առևտրի հոսքերը զգալիորեն նվազել են:

Այս պայմաններում Ռուսաստանում  տնտեսական հավելյալ 1,6%  աճի կանխատեսումը պայմանավորվում է ցածր տոկոսադրույքներով և մեծ ենթակառուցվածքային նախագծերով (այսպես կոչված՝ «ազգային նախագծեր»): Եվ դա նույնիսկ այն դեպքում, երբ ԱՄՆ պատժամիջոցները և ճնշող ժողովրդագրությունը փչացնում են ընդհանուր պատկերը:

Գալով կրկին «զարգացող շուկաներին», հարկ է նշել, որ դրանց շարքում Հնդկաստանն առանձնանում է դրական առումով, որի տնտեսական աճն ընթացիկ տարում ակնկալվում է հասցնել 5,8%-ի: Հնդկաստանի հիմնական ռիսկերն առևտրային գործընկերների շրջանում աճի կտրուկ անկման կանխատեսումն է և Պակիստանի հետ աշխարհաքաղաքական լարվածության հնարավոր նոր սրումը: Վատ նորություն կարող է լինել նաև պետական ​​բանկերի վերակազմավորման ձախողումը: Պետական ​​այս բանկերը նախորդ տարիների գործունեության արդյունքում խնդրի առաջ են կանգնել անհուսալի վարկերի պատճառով, որոնք, եթե հիշում եք, հիփոթեքային շուկայից սկսված ֆինանսական ճգնաժամի պատճառ դարձան ԱՄՆ-ում, վերածվելով համաշխարհային տնտեսական ճգնաժամի:

Ինչ վերաբերում է ԱՄՆ-ին, ՀԲ-ն այստեղ տնտեսության աճի դանդաղում է կանխատեսում, հավելելով, որ երկրի արտադրողական, ոչ ռեսուրսային հատվածը շարունակում է թույլ լինել, թերևս, Չինաստանի հետ առևտրային խնդիրների պատճառով: Բացի այդ, այս տարի այլևս հարկային նվազումներ չեն լինի, ինչով աչքի ընկավ Թրամփի վարչակազմը, և այս տարի այն այլևս չի հանդիսանա հավելյալ աճի գործոն:

Այսպիսով, չնայած աշխարհի բոլոր տնտեսությունները գտնվում են աճի ռեժիմի մեջ, նույնիսկ ամենահզորներից մի քանիսը չեն աճի այնքան արագ, որքան 2019-ին, և այստեղ Չինաստանն առանձնանում է դրական իմաստով:

ԱՄՆ-ի նմանությամբ՝ 2020-ին ցածր տնտեսական աճ կարձանագրվի նաև Եվրոգոտու երկրներում, և ամենավատ վիճակում կհայտնվի Լեհաստանը:

Հ.Գ. Ի դեպ, Հարավային Կովկասի երկրների տնտեսական աճը, ՀԲ կանխատեսմամբ, 2020 թվականին կկազմի միջինը 3,1%, ինչը 0,6%-ով ցածր է նախորդ տարվա համեմատ:

Կանխատեսվում է, որ 2020 թվականին Հայաստանի համախառն ներքին արդյունքը (ՀՆԱ) կաճի 5,1% -ով, Ադրբեջանինը՝ 2,3% -ով, Վրաստանինը՝ 4,3% -ով:

Ինքնամեկուսացածների համար գործող StayHome հավելվածի մասին /տեսանյութ/ Նիկոլ Փաշինյանը նոր որոշում է ստորագրել Իշխանության գալու օրվանից զբաղված են քաղաքացիներից ավել գումար գանձելու ճանապարհներ գտնելու գործով․ Էդմոն Մարուքյան Ռուսաստանը կվերականգնի այլ երկրների հետ օդային հաղորդակցությունը երկու փուլով Ճանապարհային ոստիկանությունը հայտարարություն է տարածել Էրդողանը ստորագրեց Սուրբ Սոֆիան մզկիթ դարձնելու որոշումը Նանսենի անվան երեխաների խնամքի կենտրոնի 10 սաների ու 5 աշխատակիցների մոտ կորոնավիրուս է հայտնաբերվել Գերմանիան բուժաշխատողների խումբ է գործուղում Հայաստան Պետք է հենց այդպես. Նիկոլ Փաշինյանի եւ Սերժ Սարգսյանի զուգահեռը Նախագահ Արմեն Սարգսյանը հանդիպել է Բակո Սահակյանի հետ ՀՀ Գլխավոր դատախազի տեղակալն ազատվել է աշխատանքից ՀԿ նախագահ. մսամթերքի որոշ տեսակների գները զգալիորեն աճել են Կանգնած ուղևորներին իջեցնում են երթուղային տրանսպորտից Սյունիքում մեկնարկում է 3 խոշոր բնակավայրերի գազիֆիկացումը. 500 տնտեսություն գազ կունենա Թուրքիան գաղտնի համաձայնագիր է ստորագրել օտարերկրյա պետություններից դիսիդենտների առեւանգման վերաբերյալ
Ամենաընթերցված
ԿԳՄՍ նախարարը ներկայացրել է՝ ի՞նչ պետք է անեն աշակ... ՍԴ-ի նկատմամբ իշխանությունների «պյուռոսյան հաղթանա... Այսօր Նիկոլի ռեժիմը «պատերազմ» է հայտարարել ազգայի... Կեղծիքների տոնը «Հայոց Եկեղեցու պատմություն» առարկան վտանգված է․ Ա... Գտնում ենք, որ Գույքահարկի մասին օրենքի թեման պետք... Դուք ցինիկ եք ու տխմար, պարոն Թորոսյան, դուք աղետ ... ԲՀԿ նախագահ Գագիկ Ծառուկյանի հայտարարությունը Քրեական գործի հարուցման պատճառ դարձել են ոչ թե իրա... «Փաշինյանի կորոնավիրուսային ցինիզմը և դեմագոգիան» ... Պարզվեց, թե ո՞վ է վճարելու սահմանի վրա թանկացած գա... Հայաստանում չկա իրական հակակոռուպցիոն պայքար. Արմե... Կառավարությունը գիտակցում է լոքդաունի անհրաժեշտութ... Միքայել Մինասյանը Ռուսաստանու՞մ է. քննարկում՝ համա... Անկախ պետականության կազմաքանդման հետհաշվարկը սկսվա... Հունիսի 26-ը նշվում է որպես ռազմաավիացիոն ուժերի օ... Մոտենում է տնտեսական լուրջ ու երկարատև ճգնաժամ. Զո... Երևանի քաղաքապետի մամուլի խոսնակը «Լույս» խմբակցու... Չեմ ուզում ունենալ ոչ միայն Սերժի կամ Քոչարյանի, ա... Պաշտոնանկ կարվեն ՍԴ-ի հնաբնակները. Հրայր Թովմասյան...
website by Sargssyan