Տոնական օրերին թեթև սննդակարգի կողմնակից եմ. Նաիրա Զոհրաբյան
ՀասարակությունԱԺ -ի ամենականացի , ամենաարդյունավետ աշխատող , շատերի համար սիրելի Նաիրա Զոհրաբյանը Past.am - ի զրուցակիցն է:
- Մանկության տարիներին մայրիկի պատրաստած ամանորի ամենահամով ուտեստը ո՞րն էր:
- Ոչ միայն մանկության տարիներին , այլև հիմա էլ ամենահամեղը մայրիկիս պատրաստած բլինչիկներն են , որոնք բույրով ու համով գերազանցում են ամենաէլիտար ռեստորաններում պատրաստվածների:
- Ամանորի նվերները ծնողները բարձի տակ էին դնում , ունե՞ք այդպիսի վառ հիշողություններ:
- Ամանորյա նվերները ծնողներս դնում էին տոնածառի տակ: Հայրս աշխատում էր լամպերի գործարանում ու շատ հետաքրքիր նվերներ էր բերում այնտեղի Ձմեռ պապիկի անունից : Ինձ միշտ բաժին էր հասնում գերմանական տիկնիկները, որոնք այն ժամանակների համար հազվագյուտ գեղեցիկ նվեր էին համարվում:
- Ձեր ամուսնու ամենաթանկ ամանորյա նվերը ի՞նչ էր:
- Սամվելի հետ միասին էինք գնում ինձ համար նվեր : Նա գիտեր , որ ես բնական քարերով զարդեր եմ սիրում, մի կրծքազարդ ունեմ, որն ամանորին ենք գնել միասին, այդ նվերը, մինչև հիմա բոլորից առանձնացնում եմ:
- Չքնաղ , կանացի գրավչությամբ լի Նաիրա Զոհրաբյանը այս օրերին իր թոռնիկներին ինչպե՞ս է ուրախացնելու:
- Մեկ թոռնիկ ունեմ , բայց բոլոր երեխաների համար ասեմ ` նրանց պիտի գունավոր, անհոգ ու խաղաղ մանկություն ապահովենք, իսկ նվերներ գնում եմ մեծագույն սիրով բոլոր երեխաների համար , ովքեր կան իմ շրջապատում:
- Հյուրերը տոնական սեղանի, ո՞ր ուտեստը կամ քաղցրեղենն են անուշ անելու , ձեր կողմից պատրաստված:
- Ես սիրում եմ արևադարձային մրգերով աղցաններ պատրաստել: Ինքս թեթև սննդակարգի կողմնակից եմ , ու վնասակար սնունդից փորձում ենք հեռու մնալ :Ցավում եմ ,որ ամանորի տոնը վերածում են գաստրոնոմիական տոնի ` ով ինչքան շատ կառնի , ով ինչքան շատ կուտի:
- Ի՞նչ մաղթենք մեր ողջ հայությանը 2020թ- ին:
- Մաղթեմ մեր ժողովրդին խաղաղություն ու հանդուրժողականություն մեր երկրին , Արցախին և ամենաառաջնայինը սահմանին կանգնած զինորից սկսված:
1
2
3
4
5
1
2
4
5
3
4
