Տաքսիների նկատմամբ ուժեղացված հսկողություն կիրականացվի․ ինչ է փոխվելու
ՀասարակությունArmlur.am-ը գրում է․
Հայաստանում դեռ որեւէ կառավարության չի հաջողվել վերահսկողության տակ առնել տաքսիների ոլորտը: Այսօր ով ինչպես ցանկանում, քշում է, ում խելքին ինչ գին փչում է, դա էլ սահմանում է: Էլ չենք խոսում տաքսի-մեքենայի տեխնիկական վիճակի մասին: «Ժողովուրդ» օրաթերթը չի դադարում այս թեմայի շուրջ բողոքներ, դժգոհություններ ստանալ քաղաքացիներից:
Նրանց պատմելով` տաքսիների վարորդները հիմնականում նախատեսվածից ավելի գումար են պահանջում վճարել ուղեւորից անձրեւոտ օրերին, խցանումների ժամերին: Երեկոյան ժամերին գները շեշտակի են բարձրանում` առանց նախապես զգուշացնելու ուղեւորին: Եւ ամենացավալին այն է, որ նման տաքսիների վարորդները չեն պատժվում սպառողին խաբելու համար: Իսկ երբ ուղեւորը փորձում է բանակցել կամ պարզաբանել վարորդի հետ, թե ինչու է ավել գումար վերցնում, անպտուղ զբաղմունք է դառնում կամ վիճաբանության վերածվում: Վարորդը սկսում է «մուննաթ» գալ, կոպտել` քթի տակ փնթփնթալով` «ձեռ չի տալիս, չնստեիր», կամ «էդ ա գինը, ի՞նչ ասեմ» եւ այլն: